فوتو: دانيل اكراموۆ
بۇگىن استانا قالاسىندا «مىقتى بىلەك – ءداستۇر مەن رۋحتىڭ كۇشى» اتتى ۇلتتىق سايىس – «جىلىك جارۋ» بويىنشا قازاقستان رەسپۋبليكاسىنىڭ اشىق چەمپيوناتى جوعارى دەڭگەيدە ۇيىمداستىرىلىپ، ءوز مارەسىنە جەتتى.
اشىق چەمپيوناتتىڭ ۇيىمداستىرۋشىلارى مەن قولداۋشىلارى:
• «اۋىل» پارتياسى
• قازاقستان فەرمەرلەرى قاۋىمداستىعى
• س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتى
• Animal Stat كومپانياسى
جارىس ۇلتتىق ءداستۇردى دارىپتەۋگە، قازاقتىڭ ءتول سپورتىن كەڭىنەن ناسيحاتتاۋعا جانە جاستار اراسىندا سالاۋاتتى ءومىر سالتىن قالىپتاستىرۋعا باعىتتالدى. قاتىسۋشىلار كۇش-جىگەرى مەن توزىمدىلىگىن سىناپ، تارتىستى دودا كورەرمەندەرگە ەرەكشە اسەر سىيلادى.
ءىس-شاراعا قر پارلامەنتى ءماجىلىسىنىڭ دەپۋتاتى، قازاقستان فەرمەرلەرى قاۋىمداستىعىنىڭ باسقارما توراعاسى جيگۋلي مولداقالىقۇلى دايراباەۆ پەن پارتيا وكىلدەرى قاتىسىپ، ۇلتتىق سپورتتىڭ ماڭىزدىلىعىنا توقتالدى.
جەڭىمپازدار ارنايى ديپلومدارمەن جانە باعالى سىيلىقتارمەن ماراپاتتالدى.
ۇلتتىق قۇندىلىقتاردى ۇلىقتاۋعا باعىتتالعان بۇل چەمپيونات ەل سپورتىنىڭ دامۋىنا سەرپىن بەرەتىن ماڭىزدى باستامالاردىڭ ءبىرى بولدى.
