ەلدىڭ ورتالىق بولىگىن باتىس ايماقتارمەن بايلانىستىراتىن جول قۇرىلىسى باستالدى، دەپ حابارلايدى “ادىرنا” ۇلتتىق پورتالى Bizmedia.kz-كە سىلتەپ.
جول قۇرىلىسى ارقالىق قالاسى مەن تورعاي اۋىلىندا قاتار ءجۇرىپ جاتىر. جاڭا اۆتوجولدىڭ جالپى ۇزىندىعى 860 شاقىرىمنان اسادى. استانا – جانتەكە – ەگىندىكول – ارقالىق – تورعاي – ىرعىز باعىتىندا بولادى.
جوبا ارقاسىندا استانا مەن ىرعىز اراسىنداعى قاشىقتىق 573 شاقىرىمعا قىسقارادى. سونىمەن قاتار، جوبا اياسىندا تابيعي فاكتورلار دا ەسكەرىلگەن. اتاپ ايتقاندا، سايعاقتاردىڭ كوشۋ جولدارىن ساقتاۋ ءۇشىن ارنايى وتكەلدەر قاراستىرىلعان. جول جانۋارلاردىڭ قاۋىپسىز قوزعالىسىنا بەيىمدەلىپ سالىنادى.
ۇقساس جاڭالىقتار
