پرەزيدەنتتىڭ ءىس باسقارماسى استانادا "جەر استىندا شەنەۋنىكتەر ءۇشىن ارنايى قازىلعان توننەل بار" دەگەن اقپاراتتى جوققا شىعاردى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە قازاقستان ازاماتتارى استانانىڭ استىندا جەر استى قالاسى بار دەگەن ۆيدەونى تالقىلاۋدا. بەينە اۆتورىنىڭ ايتۋىنشا، جىلى توننەلدەر ارقىلى شەنەۋنىكتەر ۇكىمەت عيماراتتارى اراسىندا ەركىن قوزعالا الادى. بۇل قۇپيا جەلى پرەزيدەنت سارايىن، پارلامەنتتى، مينيسترلىكتەر ءۇيىن جانە باسقا دا اكىمشىلىك عيماراتتاردى بايلانىستىراتىنى ايتىلۋدا.
الايدا پرەزيدەنت ءىس باسقارماسىنىڭ ءباسپاسوز قىزمەتى بۇل اقپاراتتى تەرىسكە شىعاردى.
«بۇل ۆيدەو شىندىققا جاناسپايدى. ۇكىمەت عيماراتتارىن بايلانىستىراتىن جىلى توننەلدەرى بار جەر استى قالاسى جوق. وكىنىشكە قاراي، ادامداردى اداستىراتىن تاعى ءبىر جالعان اقپارات تارالۋدا»، – دەپ مالىمدەدى ۆەدومستۆو.
