پاۆلوداردا اناسى تەرەزەدەن لاقتىرىپ جىبەرگەن جەتى جاستاعى بالا ءبىر ايلىق ەمنەن كەيىن اۋرۋحانادان شىقتى، دەپ حابارلايدى "ادىرنا" ۇلتتىق پورتالى.
دەنساۋلىق ساقتاۋ ماماندارىنىڭ ايتۋىنشا، بالانىڭ جاعدايى قاناعاتتانارلىق، وڭ ديناميكا بايقالادى. دارىگەرلەر وعان ءبىر اي بويى قاتاڭ توسەك رەجيمىن ساقتاۋدى جانە تۇرعىلىقتى جەرى بويىنشا ءبىر جىلعا دەيىن وڭالتۋ كۋرسىنان ءوتۋدى ۇسىندى.
قايعىلى وقيعا 30 شىلدەدە پاۆلودارداعى كوپقاباتتى ۇيدە بولعان. 34 جاستاعى ايەل الدىمەن ەكى بالاسىن تەرەزەدەن لاقتىرىپ، ارتىنان ءوزى سەكىرگەن. سالدارىنان كىشى بالا كوز جۇمدى، ال جەتى جاسار بالا اۋىر جاراقاتپەن امان قالدى.
پوليتسيا دەرەگىنشە، زارداپ شەككەندەر پودەزدىڭ قالقالاعىشىنا قۇلاعان.
ايتا كەتەيىك، ايەل ارنايى مەديتسينالىق مەكەمەدە ەسەپتە تۇرعان. قازىرگى ۋاقىتتا ول جانساقتاۋ بولىمىندە، ەسىن جيعان جانە سىنىقتارىنا بايلانىستى وتا جاسالعان.
