جەلىدە ءانشى تورەعالي تورەالىنى پوليتسەيلەردىڭ ۇستاعان ۆيدەوسى تارادى، دەپ جازادى "ادىرنا".
ءىnstagram-دا تاراعان اقپاراتقا سۇيەنسەك، ونەر يەسى الماتىدا مايلين كوشەسىندە ۇستالعان. ول رولگە ءىشىپ الىپ وتىرعان دەسەدى. پوليتسەي قىزمەتكەرلەرىنىڭ توقتاتۋىنا كونبەگەن ءارتىستى، كۇشپەن ۇستاۋعا ءماجبۇر بولعان.
"ناقتىلانباعان دەرەك بويىنشا مايلين كوشەسىندە ۆاز اينالما جولىنا جەتپەي تورەعالي تورەالى ۇستالدى", - دەلىنگەن الەۋمەتتىك جەلىدە تاراعان ۆيدەودا.
وقيعاعا قاتىستى الماتى قالالىق پوليتسيا دەپارتامەنتى رەسمي مالىمدەمە جاسادى.
"️الماتى قالالىق پد 14 ماۋسىم مايلين كوشەسىنىڭ بويىندا، سولتۇستىك باعىتتا، جەرگىلىكتى پوليتسيا قىزمەتىنىڭ مامانداندىرىلعان باتالونىنىڭ ەكيپاجى 1992 جىلى تۋعان ا. ەسىمدى ازاماتتىڭ باسقارۋىنداعى Lexus اۆتوكولىگىن توقتاتقانىن حابارلايدى.
جۇرگىزۋشىنىڭ مىنەز-قۇلقى ورەسكەل بولىپ كورىندى: ول اگرەسسيۆتى بولدى، پوليتسيانىڭ زاڭدى تالاپتارىنا باعىنبادى، تۇراقتا تۇرعان Chevrolet كولىگىنە زاقىم كەلتىرىپ، ۇستالعان ورنىنان قاشىپ كەتپەك بولدى.
قۇقىق بۇزۋشىنىڭ جولى بۇعاتتالدى. پاترۋلدىك پوليتسيا قىزمەتكەرلەرى ونى ۇستاپ، مەديتسينالىق تەكسەرۋگە الىپ باردى. ساراپتاما ناتيجەسىندە ا. ەسىمدى ازاماتتىڭ ەسىرتكىگە ماس ەكەندىگى بەلگىلى بولدى.
قر اقبك-ءنىڭ 608 بابى 3 بولىگى، قر اقبك-ءنىڭ 613 بابى 1 بولىگى، قر اقبك-ءنىڭ 599 بابى 1 بولىگى، قر اقبك-ءنىڭ 596 بابى 3 بولىگى، قر اقبك-ءنىڭ 600 بابى 1 بولىگى جانە قر اقبك-ءنىڭ 230 بابى 2 بولىگى بويىنشا حاتتامالار تولتىرىلدى.
كولىك مامانداندىرىلعان ايىپپۇل تۇراعىنا قويىلدى. ءوندىرىس ماتەريالدارى شەشىم شىعارۋ ءۇشىن سوتقا جىبەرىلەتىن بولادى" دەلىندى حابارلامادا.
ايتا كەتەيىك، قۇجات بويىنشا تورەعالي تورەالىنىڭ تەگى - اليحانوۆ.
ۇقساس جاڭالىقتار
