وزىنە قول سالعان پوليتسيا مايورى ءوز ولىمىنە باستىعىن كىنالاپ، حات جازعان، دەپ حابارلايدى "ادىرنا" ءتىلشىسى Otyrar.kz-كە سىلتەپ.
مارقۇمنىڭ تۋىستارى ءمايىتىنىڭ جانىنان ولەر الدىنداعى قوشتاسۋ حاتى تاپقان. ول جەردە ءتارتىپ ساقشىسى ولىمىنە باستىعىن كىنالاعان. جۇزەەۆتەر وتباسى ارادا ەكى اي وتسە دە تەرگەۋدىڭ ماردىمسىز ءجۇرىپ جاتقانىن ايتىپ، اجالعا سەبەپ بولعانداردىڭ قاتاڭ تۇردە جازاعا تارتىلۋىن سۇرايدى.
ازىرەتالى جۇزەەۆتىڭ ۇلى راتبەك جۇزەەۆ بيىل 12 ناۋرىز كۇنى ءوز-وزىنە قول جۇمساپ قايتىس بولدى. ۇلىنان ايىرىلعان اكە:
"11 كۇنى كەشكى 17:00-دە پوليتسيا باستىعى قۋاشباەۆ عالىمجان ماعان زۆوندادى. «ءسىز راتبەكتىڭ پاپاسىسىز با؟» دەپ، «ءيا» دەدىم. «ءسىز كەلىپ كەتىڭىز ماعان، راتبەكتىڭ ارتىنان قىلمىس قوزعالايىن دەپ جاتىر» دەدى. 240 مىڭ اقشا مىلتىققا قارىز ەكەن دەپ. 240 مىڭ قارىز بولسا، مەن-اق بەرە سالايىن" دەدىم. ول ماعان بالامدى اكەلۋدى سۇرادى", - دەدى.
ازىرەتالى جۇزەەۆ ۇلىنا حابارلاسىپ ءمان جايدى سۇراعان. مارقۇم راتبەك باستىعىنىڭ وزىنەن «ورنىن بوساتۋدى تالاپ ەتكەنىن، كەلىسپەگەن سوڭ، ءوزى جوق كەزدە قىزمەتىن اۋىستىرىپ جىبەرگەنىن» جەتكىزىپتى.
«اكەسىنە، ناعاشىسىنا قارۋ ىستەپ بەرگەنمىن. سول نارسەنىڭ ءبارىن تەگىن ىستەپ بەرگەنمىن. «ىشكەندەرىڭ، ليشەنيەگە كەتكەندەرگە تولتىرعان پروتوكولداردى جوق قىلىپ، اقشاسىن ماعان اكەپ بەر» دەدى. مەن «ول تىرلىكتى ىستەي المايمىن» دەدىم. «ىستەمەسەڭ ورنىڭدى بوسات» دەدى. ىستەيتىن، اقشا الاتىن ادام ورنىڭا تابىلادى. سونىمەن مەنى قىزمەتتەن بوساتتى»، دەپ ايتتى ۇلىم»،- دەيدى مارقۇمنىڭ اكەسى.
مارقۇمنىڭ تۋىستارى راتبەك جۇزەەۆكە قىسىم كورسەتىلگەنىنە سەنىمدى. مارقۇم قالدىرعان حاتتا اتا-اناسى مەن بالالارىن جاقسى كورەتىنىن ايتىپ، ءوز ولىمىنە كىنالى ادامنىڭ اتى-ءجونىن جازىپ كەتكەن.
«7 ناۋرىز كۇنى «ماما، مەن ءسىزدى جاقسى كورەم» دەپ جازعان. سول كەزدە قارىنداستارىنا دا جازىپتى، بىراق ونى مەيرامعا جازعان شىعار دەپ ويلادىق. 12 ناۋرىز كۇنى «ماما كەشىرىڭىزشى» دەپ جازعاننان كەيىن، نەگە بۇلاي جازدى دەپ وزىنە زۆوندادىم. الماعان سوڭ، قىزىنا زۆوندادىم. ول «ماعان دا ءسۇيتىپ جازدى، مەستوپولوجەنيە» جىبەردى دەدى. ونىسى نەسى، «ولسەڭ وسى جەردەن تاۋىپ الاسىڭدار» دەگەنى شىعار دەپ، ىزدەپ، قىزىم مەن كۇيەۋ بالام تاپتى عوي»،- دەدى مارقۇمنىڭ اناسى كۇلجاماش جۇزەەۆا.
33 جاسىندا ومىردەن وتكەن مارقۇمنىڭ تۋىستارى كىنالى ادام تابىلىپ، ءوز جازاسىن السا ەكەن دەيدى. مارقۇم راتبەك جۇزەەۆتىڭ ارتىندا 2 ۇل جانە قىزى قالدى.
