تۇركىستان وبلىسىندا ەر ادامنىڭ بەس جاسار قىزدى زورلاعانى تۋرالى ايتىلادى. ارىس قالاسىندا بولعان وسى جايتقا بايلانىستى پوليتسيا تەرگەۋ جۇرگىزىپ، كۇدىكتىنى قولعا ءتۇسىردى، دەپ حابارلايدى “ادىرنا” ۇلتتىق پورتالى.
"21 مامىرىندا ارىس اپب-عا جەرگىلىكتى تۇرعىننان حابارلاما كەلىپ ءتۇستى. جەرگىلىكتى تۇرعىننىڭ ارىزى نەگىزىندە پوليتسەيلەر جەدەل-ىزدەستىرۋ ءىس-شارالارىن جۇرگىزىپ، ناتيجەسىندە كۇدىكتىنى سول ساعاتتا ۇستادى. ول ارىس قالاسىنىڭ تۇرعىنى بولىپ شىقتى،" - دەلىنگەن پويلتسيا تاراتقان مالىمەتتە.
بۇل فاكت قر قك-ءنىڭ 121-بابى 4-بولىگى «سەكسۋالدىق سيپاتتاعى زورلىق-زومبىلىق ارەكەتتەرى» بويىنشا تىركەلدى. كۇدىكتى قاماۋعا الىنعان. وقيعانىڭ تولىق ءمان-جايى انىقتالۋدا.
بۇعان دەيىن باق جاراقات العان قىزدىڭ كومەيى جارىلىپ، جانساقتاۋ بولىمىنە جاتقىزىلعانىن حابارلاعان بولاتىن. قازىر، ءىىم ءباسپاسوز قىزمەتىنىڭ حابارلاۋىنشا، قىزدىڭ دەنساۋلىعى تۇراقتى، قىز بالامەن پسيحولوگتار جۇمىس جۇرگىزگەن، قازىر ول ۇيىندە.
