الماتىداعى بوتانيكالىق باقتا ەكى ەر ادام اققۋلارعا قاتىگەزدىك كورسەتكەن. كۋاگەرلەر بۇل جايتتى ۆيدەوعا ءتۇسىرىپ، TikTok الەۋمەتتىك جەلىسىنە جاريالاعان، دەپ حابارلايدى «ادىرنا» ءتىلشىسى.
بەينەجازبادان ەر ادامداردىڭ قۇستاردى موينىنان تارتىپ، دورەكى ارەكەت جاساپ جاتقانىن بايقاۋعا بولادى.
اتالعان وقيعاعا بايلانىستى الماتى قالالىق پوليتسيا دەپارتامەنتى تەكسەرۋ جۇرگىزىپ جاتقانىن مالىمدەدى.
«الماتى قالاسىنداعى بوتانيكالىق باق اۋماعىندا قۇسقا قاتىگەزدىك كورسەتۋ فاكتىسى بويىنشا تەكسەرۋ باستالدى. اتالعان ءىس بويىنشا زاڭناماعا سايكەس قۇقىقتىق باعا بەرىلىپ، ءتيىستى شارالار قابىلدانادى. وزگە دە ءمان-جايلار انىقتالۋدا»،—دەدى پد ءباسپاسوز قىزمەتى.
ۇقساس جاڭالىقتار
