اتىراۋ قالاسىنىڭ ماڭىندا قۇستاردىڭ ولەكسەلەلەرى تابىلدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
ۆيكتور سۋتياگيننىڭ جەلىدە جۇكتەگەن بەينەسىندە مۇنايلى شاھاردا اققۋ مەن ۇيرەك، قارعا ءولىپ جاتىر.
«ەكولوگيالىق توتەنشە وقيعا ما؟ 20 شىلدەدە اتىراۋ قالاسىنىڭ اعىندى سۋلارى مەن اتىراۋ مۇناي وڭدەۋ زاۋىتىنىڭ قالدىقتارى اعىزىلاتىن ەلەۆاتوردىڭ ارتىنداعى «تۋحلايا بالكا» – قۇستار كوپ بولاتىن جەر. ال مىناۋ ءولىپ جاتقان اققۋ، ۇيرەك، قارعانىڭ بالاپاندارى جالعىز ءجۇزىپ ءجۇر... ەكولوگتاردان «نە بولدى، نە بولىپ جاتىر؟» دەپ سۇرايىن دەگەنىم... ولار جاۋاپ بەرە مە ەكەن؟ تانىس اڭشىلار «بۇل جەردە قانداي دا ءبىر جەرگىلىكتى درەناج نەمەسە قوقىس تاستالعان» دەپ ەسەپتەيدى»، - دەپ حابارلادى ۆيدەو اۆتورى ۆيكتور سۋتياگين.
الايدا بۇل اقپاراتقا قاتىستى رەسمي ورگاندار ەشقانداي پىكىر بىلدىرگەن جوق.
