الماتىدا بوتانيكالىق باقتا اققۋعا قاتىگەزدىك كورسەتكەنى ءۇشىن 42 جاستاعى ەر ادام جەتى تاۋلىككە قاماۋعا الىندى، دەپ حابارلايدى "ادىرنا" ۇلتتىق پورتالى.
وقيعا 5 تامىز كۇنى بولعان. كۋاگەرلەر ەكى ەر ادامنىڭ قۇستارعا دورەكى ارەكەت جاساعانىن ۆيدەوعا ءتۇسىرىپ، جەلىدە جاريالاعان. ولاردىڭ ءبىرى اققۋدىڭ موينىنان ۇستاعان. باقىلاۋ كامەرالارى ارقىلى قۇقىق بۇزۋشى انىقتالىپ، ۇستالدى.
بوتانيكالىق باقتاعىلاردىڭ ايتۋىنشا، قۇستىڭ جاعدايى جاقسى، ونى ورنيتولوگتار باقىلاپ وتىر.
كەلۋشىلەردەن قورعاۋ ءۇشىن توعاننىڭ اينالاسىنا قورشاۋ ورناتۋ جوسپارلانۋدا.
اكىمشىلىك جانۋارلار مەن وسىمدىكتەرگە قاتىستى كەز كەلگەن اگرەسسيۆتى نەمەسە قۇرمەتسىز ارەكەتتەر ءۇشىن جازا قولدانىلاتىنىن اتاپ ءوتتى.
ۇقساس جاڭالىقتار
