قاراكولدە 601 اققۋ ءولى تابىلدى، دەپ حابارلايدى "ادىرنا" ءتىلشىسى Zakon.kz-كە سىلتەپ.
ماڭعىستاۋ وبلىسىنداعى قاراكول كولىندە 601 سىبىرلاق اققۋدىڭ ولگەنىن وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى راستاپ وتىر. وبلىستىق اۋماقتىق ينسپەكتسياسىنىڭ باسشىسى عابباس دوساتوۆ ولگەن قۇستار تۋرالى اقپارات بەردى.
"2023 جىلدىڭ 21 جەلتوقسانىندا قاراكول كولىندە اققۋلاردىڭ ولگەنى تۋرالى العاشقى حابارلاما ءتۇستى. ءبىز قر اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنە قاراستى ۆەتەريناريا ۇلتتىق رەفەرەنتتىك ورتالىعىنىڭ ماماندارىنا، قازاقستاننىڭ ميكروبيولوگيا جانە ۆيرۋسولوگيا ينستيتۋتىنىڭ ماماندارىنا حابارلاستىق. ولار زەرتتەۋ جۇرگىزۋ ءۇشىن ماماندارىن اققۋ ولەكسەسىنەن سىناما الۋعا جىبەردى. 6 قاڭتارداعى جاعداي بويىنشا ءبىز 601 باستىڭ ءولىمىن تىركەدىك. ولگەن اققۋدىڭ 90%-دان استامى – بالاپانى. ءبىز قازاقستاننىڭ بيوارتۇرلىلىگىن ساقتاۋ قاۋىمداستىعىنىڭ ورنيتولوگتارىنان قوسىمشا زەرتتەۋ جۇمىستارىن كۇتەمىز",- دەدى ول.
ازىرگە اققۋلاردىڭ نەدەن ولگەنى تۋرالى اقپارات جوق.
