پەريزات قايراتقا قاتىستى ءىس بويىنشا ءوتىپ جاتقان نەگىزگى سوت پروتسەسىنىڭ ءتورتىنشى كۇنى ايىپتالۋشىنىڭ اناسى عايني الاشباەۆانىڭ جاعدايى ناشارلاپ، سوت وتىرىسىنا ءۇزىلىس جاريالاندى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
سوت وتىرىسى بارىسىندا زالدا وتىرعان عايني الاشباەۆا ءوزىن كەنەتتەن جايسىز سەزىنگەن. سوت توراعاسى ونىڭ جاعدايىن ەسكەرىپ، ءۇزىلىس جاريالاۋعا ءماجبۇر بولدى. قازىرگى ۋاقىتتا ايىپتالۋشىنىڭ اناسىنا مەديتسينالىق كومەك كورسەتىلگەنى تۋرالى ناقتى اقپارات بەرىلگەن جوق.
ەستەرىڭىزگە سالا كەتەيىك، وسىعان دەيىنگى سوت وتىرىستارىندا قوعام بەلسەندىلەرى مەن كۋاگەرلەر جاۋاپ بەردى. اتاپ ايتقاندا، كۇنى كەشە "اسار-ۋمە" قوعامدىق بىرلەستىگىنىڭ پرەزيدەنتى اسحات نۇرماشەۆ سوتتا پەريزات قايراتپەن قايىرىمدىلىق جوبالارىنداعى سەرىكتەستىگى تۋرالى باياندادى. ونىڭ ايتۋىنشا، ولار ءبىراز ۋاقىت بويى الەۋمەتتىك كومەكتەر باعىتىندا بىرلەسە جۇمىس ىستەگەن.
بۇعان دەيىن سوتتا تاعى ءبىر كۋاگەر، ءىرى كومپانيا وكىلى پەريزات قايراتتىڭ شوتىنا 200 ميلليون تەڭگە اۋدارعانىن راستادى. بۇل قارجىنىڭ ناقتى قانداي ماقساتتا پايدالانىلعانى تەرگەۋ بارىسىندا تەكسەرىلىپ جاتىر.
