پروكۋراتۋرا پەريزات قايراتقا –10 جىلعا باس بوستاندىعىنان ايىرۋ، مۇلكىن تاركىلەۋ جانە 10 جىل بويى قايىرىمدىلىق قىزمەتپەن اينالىسۋ قۇقىعىنان ايىرۋ تۇرىندە جازا سۇرادى، دەپ حابارلايدى “ادىرنا”.
پروكۋرور ارمان كيزيكەننىڭ ايتۋىنشا، ايىپتالۋشىنىڭ كىناسىن جەڭىلدەتەتىن ءمان-جايلار انىقتالماعان، ال اۋىرلاتاتىن جاعداي – قىلمىستىڭ توتەنشە جاعداي كەزىندە جاسالۋى.
پەريزات قايرات پەن ونىڭ اناسى عايني الاشباەۆا ءۇش ەپيزود بويىنشا الاياقتىق جاسادى دەپ ايىپتالىپ وتىر – ولار بالالارعا ارنالعان وڭالتۋ ورتالىعىن سالۋعا، پالەستينا تۇرعىندارىنا جانە سۋ تاسقىنىنان زارداپ شەككەن قازاقستاندىقتارعا كومەك كورسەتۋگە دەپ قايىرىمدىلىققا اقشا جيناعان. مەملەكەتتىك ايىپتاۋشىلار اناسىن 8 جىلعا باس بوستاندىعىنان ايىرۋدى سۇرادى.
ايىپتاۋشى تاراپتىڭ نۇسقاسىنا سايكەس، ولار قايىرىمدىلىق تۇرىندە جينالعان شامامەن 3,5 ملرد تەڭگەنى يەمدەنىپ، كەيىن بۇل قاراجاتتى زاڭداستىرعان.
