وساكاروۆ اۋدانى «سارىبەل» دەپ اتالاتىن بولدى

2968
Adyrna.kz Telegram

ەندى قاراعاندى وبلىسىنداعى وساكاروۆ اۋدانى «سارىبەل» دەپ اتالادى. بۇل تۋرالى قر مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى. 

"قاراعاندى وبلىسىنىڭ وساكاروۆ اۋدانىنىڭ اتاۋى وزگەرتىلەدى. جەرگىلىكتى تۇرعىندار جيىرما جىل بويى «سارىبەل» تاريحي اتاۋىن قايتارۋ ماسەلەسىن كوتەرىپ كەلگەن بولاتىن. بۇگىن قر ۇكىمەتى جانىنداعى رەسپۋبليكالىق ونوماستيكا كوميسسياسى وسى ماسەلەگە بايلانىستى ءبىراۋىزدان وڭ شەشىم قابىلدادى. سونىمەن قاتار، شىمكەنت قالاسى اكىمدىگىنىڭ جاڭا اۋدانعا «تۇران» اتاۋىن بەرۋ تۋرالى ۇسىنىسى دا قولداۋ تاپتى",- دەلىنگەن حابارلامادا. 

سونداي-اق، كوميسسيا مۇشەلەرى مەملەكەتتىك مەنشىكتەگى بىرقاتار وبەكتىلەرگە اتاۋ بەرۋ جانە قايتا اتاۋ تۋرالى ۇسىنىسقا وڭ قورىتىندى بەردى.

«قوعامدا ونوماستيكا ماسەلەلەرىنىڭ الەۋمەتتىك ماڭىزى زور. بارلىق ۇسىنىستار ساراپتامالىق جانە عىلىمي ورتا وكىلدەرىنىڭ، سونداي-اق جەرگىلىكتى تۇرعىنداردىڭ قاتىسۋىمەن قارالادى. سوڭعى ۋاقىتتا كوميسسيا ءبىرىنشى كەزەكتە ازاماتتاردىڭ پىكىرىن ەسكەرىپ، بىرقاتار ماڭىزدى شەشىمدەر قابىلدادى»، - دەدى مادەنيەت جانە سپورت ءمينيسترى داۋرەن اباەۆ.

"ادىرنا" ۇلتتىق پورتالى 

پىكىرلەر