بۇگىن - كەنشىلەر كۇنى

2616
Adyrna.kz Telegram

بۇگىن - كەنشىلەر كۇنى. ەلىمىزدە جىل سايىن تامىز ايىنىڭ سوڭعى جەكسەنبىسىندە كەنشىلەر وزدەرىنىڭ كاسىبي مەرەكەلەرىن اتاپ وتەدى، دەپ جازادى "ادىرنا" ۇلتتىق پورتالى.

ۇلىتاۋ وبلىسى مەن قاراعاندى وبلىسىنىڭ اكىمدەرى كەنشىلەردى كاسىبي مەرەكەسىمەن قۇتتىقتادى.

"كەن بايىتۋ سالاسى ۇلىتاۋ وبلىسى ءۇشىن ەرەكشە ماڭىزعا يە. كەنشىلەر مەن بايىتۋشىلار تەك وبلىسىمىزدىڭ عانا ەمەس، تۇتاستاي رەسپۋبليكانىڭ دامۋىنا ەلەۋلى ۇلەس قوسىپ كەلەدى. جەزقازعان، ساتباەۆ، قاراجال قالالارى مەن جايرەم كەنتى – كەنشىلەر مەن بايىتۋشىلاردىڭ قۇتتى مەكەنى. بيىل وبلىسىمىزدا بۇل مەرەكە ءبىر اپتا بويى اتاپ ءوتىلىپ، تۇرعىندارعا مەرەكەلىك كوڭىل-كۇي سىيلانىپ وتىر. وسى ءىس-شارالاردى ۇيىمداستىرعان «قازاقمىس» كومپانياسىنىڭ باسشىلىعىنا العىسىمدى بىلدىرەمىن، — دەدى ۇلىتاۋ وبلىسىنىڭ اكىمى بەرىك ابدىعاليۇلى قۇتتىقتاۋ سوزىندە.

"بۇل كۇن قاراعاندى جۇرتشىلىعىنىڭ ەڭ اتاۋلى مەرەكەسى. "ارسەلورميتتال تەمىرتاۋ", "قازاقمىس" كورپوراتسياسى جانە تاعى دا وسى سەكىلدى ءىرى ءوندىرىس ورىندارى وڭىرىمىزگە جاڭاشا تىنىس بەرىپ، يندۋستريامىزعا ۇلەسىن قوسۋدا. بۇگىندە وبلىستا تاۋ-كەن ءوندىرۋ ونەركاسىبى كاسىپورىندارىندا 90 مىڭعا جۋىق ادام ەڭبەك ەتەدى. قاراعاندى كومىر باسسەينىنىڭ قالىپتاسۋىنا باعا جەتپەس ۇلەس قوسقان، ونىڭ تاريحىنا ەڭ ۇزدىك جانە ۇمىتىلماس بەتتەردى جازعان شاحتەر ەڭبەگىنىڭ ارداگەرلەرىنە، شاحتەر اۋلەتتەرىنىڭ وكىلدەرىنە ەرەكشە العىس ايتامىن. سىزدەرگە زور دەنساۋلىق، ەڭبەكتە تابىس جانە وتباستارىڭىزعا باق-بەرەكە تىلەيمىن! مەرەكە قۇتتى بولسىن!", - دەدى قاراعاندى وبلىسىنىڭ اكىمى جەڭىس قاسىمبەك. 

"ادىرنا" ۇلتتىق پورتالى 
پىكىرلەر