Endi Qaraǵandy oblysyndaǵy Osakarov aýdany «Sarybel» dep atalady. Bul týraly QR Mádenıet jáne sport mınıstrliginiń baspasóz qyzmeti habarlady, dep jazady "Adyrna" ulttyq portaly.
"Qaraǵandy oblysynyń Osakarov aýdanynyń ataýy ózgertiledi. Jergilikti turǵyndar jıyrma jyl boıy «Sarybel» tarıhı ataýyn qaıtarý máselesin kóterip kelgen bolatyn. Búgin QR Úkimeti janyndaǵy respýblıkalyq onomastıka komıssııasy osy máselege baılanysty biraýyzdan oń sheshim qabyldady. Sonymen qatar, Shymkent qalasy ákimdiginiń jańa aýdanǵa «Turan» ataýyn berý týraly usynysy da qoldaý tapty",- delingen habarlamada.
Sondaı-aq, komıssııa músheleri memlekettik menshiktegi birqatar obektilerge ataý berý jáne qaıta ataý týraly usynysqa oń qorytyndy berdi.
«Qoǵamda onomastıka máseleleriniń áleýmettik mańyzy zor. Barlyq usynystar saraptamalyq jáne ǵylymı orta ókilderiniń, sondaı-aq jergilikti turǵyndardyń qatysýymen qaralady. Sońǵy ýaqytta komıssııa birinshi kezekte azamattardyń pikirin eskerip, birqatar mańyzdy sheshimder qabyldady», - dedi Mádenıet jáne sport mınıstri Dáýren Abaev.
"Adyrna" ulttyq portaly
