شىمكەنت قالاسىنىڭ مامانداندىرىلعان اۋدانارالىق قىلمىستىق سوتىنىڭ ۇكىمىمەن قىزىلوردا وبلىسى بويىنشا ەكولوگيا دەپارتامەنتى باسشىسىنىڭ ورىنباسارى ب. تىلەگەنوۆ قاۋىپسىزدىگى ورتاشا تۇزەۋ مەكەمەسىندە مەرزىمىن وتەۋمەن 10 جىل 6 ايعا باس بوستاندىعىنان ايىرىلدى، دەپ حابارلايدى «ادىرنا» ءتىلشىسى.
ول جشس باسشىلارىنا تيەسىلى 100 ميلليون تەڭگەنى الاياقتىق جولمەن يەمدەنگەنى ءۇشىن كىنالى دەپ تانىلدى.
سونداي-اق، تىلەگەنوۆ جشس باسشىلارىن پروكۋراتۋرانىڭ، مەملەكەتتىك كىرىستەر جانە ەكونوميكالىق تەرگەۋ دەپارتامەنتتەرىنىڭ لاۋازىمدى تۇلعالارى ارقىلى ماسەلەنى شەشەمىن دەپ، جشس-نە قاتىستى ەكولوگيالىق زاڭنامانى بۇزۋشىلىقتار تۋرالى ءىستى توقتاتۋ جانە مەملەكەتتىك كىرىستەر ورگاندارىنىڭ حابارلاماسىن كەرى قايتارۋ ءۇشىن پارا بەرۋگە يتەرمەلەدى.ۇكىم زاڭدى كۇشىنە ەنگەن جوق.
