قازاقستان پرەزيدەنتى قاسىم-جومارت توقاەۆ ۇجىمدىق قاۋىپسىزدىك كەڭەسىنىڭ وتىرىسىنا قاتىسۋ ءۇشىن ماسكەۋگە باردى، دەپ حابارلايدى "ادىرنا" ۇلتتىق پورتالى.
مەملەكەت باسشىسىن اۋەجايدان رەسەي ۇكىمەتىنىڭ رەسمي وكىلدەرى قارسى العان.
2026 جىلدىڭ 10–11 قاراشاسىندا ماسكەۋدە رەسەيدىڭ ۇجىمدىق قاۋىپسىزدىك تۋرالى شارت ۇيىمىنا (ۇقشۇ) توراعالىعى اياسىندا ۇجىمدىق قاۋىپسىزدىكتى قامتاماسىز ەتۋ جونىندەگى حالىقارالىق فورۋم ءوتىپ جاتىر.
فورۋم باعدارلاماسىنا ەۋرازياداعى تۇراقتىلىقتى ساقتاۋ جانە جاڭا قاۋىپ-قاتەرلەرگە قارسى ءىس-قيمىل ماسەلەلەرىنە ارنالعان 20-عا جۋىق تاقىرىپتىق ءىس-شارا ەنگىزىلگەن.
بۇگىن، 10 قاراشادا، ۇقشۇ سىرتقى ىستەر مينيسترلەرى كەڭەسىنىڭ، قورعانىس مينيسترلەرى كەڭەسىنىڭ جانە قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسى ءوتتى.
ال 11 قاراشادا رەسەي پرەزيدەنتى ۆلاديمير ءپۋتيننىڭ توراعالىعىمەن ۇقشۇ ۇجىمدىق قاۋىپسىزدىك كەڭەسىنىڭ وتىرىسى وتەدى.
