نۇر-سۇلتان قالاسىندا تاكسي جۇرگىزۋشىسى جالعا العان كولىكتەردەن كاتاليزاتور ۇرلاپ، تاكسي كومپانياسىن 2,5 ميلليون تەڭگەگە شىعىنعا باتىردى. بۇل تۋرالى قالالىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
سارىارقا اۋداندىق پوليتسيا بولىمىنە "سمارت تاكسي" جشس باسشىسى ارىزداندى. "Chevrolet Cobalt" ماركالى كولىكتەردەن كاتاليزاتور ۇرلاندى. كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارى بارىسىندا 39 جاستاعى قالا تۇرعىنىن ۇستادى. ول تاكسي جۇرگىزۋشىسى بولىپ جۇرگەندە جالعا العان كولىكتەردەن كاتاليزاتور ۇرلاعان. اربىرەۋىنىڭ باعاسى - 830 مىڭ تەڭگە.
"كۇدىكتى ەكى كۇننىڭ ىشىندە كولىكتەردى تەحنيكالىق قىزمەت كورسەتۋ ورتالىقتارىنا اپارىپ، اۆتومەحانيكتەرگە كاتاليزاتورلاردى اقىعا كەسكىزىپ العان. سوسىن ءبارىن مەتالدى قابىلداۋ ورنىنا تومەن باعامەن وتكىزگەن", - دەيدى پوليتسەيلەر.
قازىرگى كەزدە سوتقا دەيىنگى تەرگەۋ شارالارى باستالدى. كۇدىكتى ءوز كىناسىن مويىندادى. ونىڭ وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر.
ايتا كەتەرى، قىلمىستىق كودەكستىڭ 188-بابى ("ۇرلىق، بىرنەشە رەت جاسالعان ارەكەت") بويىنشا ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ جازاسى قاراستىرىلعان.
كىنالى ادامنىڭ مۇلكi تاركiلەنەدى.
”ادىرنا” ۇلتتىق پورتالى
