Nur-Sultan qalasynda taksı júrgizýshisi jalǵa alǵan kólikterden katalızator urlap, taksı kompanııasyn 2,5 mıllıon teńgege shyǵynǵa batyrdy. Bul týraly qalalyq polıııa departamenti málimdedi, dep habarlaıdy “Adyrna” ulttyq portaly.
Saryarqa aýdandyq polıııa bólimine "Smart taksı" JShS basshysy aryzdandy. "Chevrolet Cobalt" markaly kólikterden katalızator urlandy. Krımınaldyq polıııa qyzmetkerleri jedel-izdestirý is-sharalary barysynda 39 jastaǵy qala turǵynyn ustady. Ol taksı júrgizýshisi bolyp júrgende jalǵa alǵan kólikterden katalızator urlaǵan. Árbireýiniń baǵasy - 830 myń teńge.
"Kúdikti eki kúnniń ishinde kólikterdi tehnıkalyq qyzmet kórsetý ortalyqtaryna aparyp, avtomehanıkterge katalızatorlardy aqyǵa keskizip alǵan. Sosyn bárin metaldy qabyldaý ornyna tómen baǵamen ótkizgen", - deıdi polıeıler.
Qazirgi kezde sotqa deıingi tergeý sharalary bastaldy. Kúdikti óz kinásin moıyndady. Onyń osyǵan uqsas basqa da qylmystarǵa qatysy bar-joǵy tekserilip jatyr.
Aıta keteri, Qylmystyq kodekstiń 188-baby ("Urlyq, birneshe ret jasalǵan áreket") boıynsha eki jyldan jeti jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý jazasy qarastyrylǵan.
Kináli adamnyń múlki tárkilenedi.
”Adyrna” ulttyq portaly
