Nūr-Sūltan qalasynda taksi jürgızuşısı jalǧa alǧan kölıkterden katalizator ūrlap, taksi kompaniiasyn 2,5 million teŋgege şyǧynǧa batyrdy. Būl turaly qalalyq polisiia departamentı mälımdedı, dep habarlaidy “Adyrna” ūlttyq portaly.
Saryarqa audandyq polisiia bölımıne "Smart taksi" JŞS basşysy aryzdandy. "Chevrolet Cobalt" markaly kölıkterden katalizator ūrlandy. Kriminaldyq polisiia qyzmetkerlerı jedel-ızdestıru ıs-şaralary barysynda 39 jastaǧy qala tūrǧynyn ūstady. Ol taksi jürgızuşısı bolyp jürgende jalǧa alǧan kölıkterden katalizator ūrlaǧan. Ärbıreuınıŋ baǧasy - 830 myŋ teŋge.
"Küdıktı ekı künnıŋ ışınde kölıkterdı tehnikalyq qyzmet körsetu ortalyqtaryna aparyp, avtomehanikterge katalizatorlardy aqyǧa keskızıp alǧan. Sosyn bärın metaldy qabyldau ornyna tömen baǧamen ötkızgen", - deidı poliseiler.
Qazırgı kezde sotqa deiıngı tergeu şaralary bastaldy. Küdıktı öz kınäsın moiyndady. Onyŋ osyǧan ūqsas basqa da qylmystarǧa qatysy bar-joǧy tekserılıp jatyr.
Aita keterı, Qylmystyq kodekstıŋ 188-baby ("Ūrlyq, bırneşe ret jasalǧan äreket") boiynşa ekı jyldan jeti jylǧa deiingi merzimge bas bostandyǧyn şekteu ne sol merzımge bas bostandyǧynan aiyru jazasy qarastyrylǧan.
Kınälı adamnyŋ mülki tärkilenedı.
”Adyrna” ūlttyq portaly
Ūqsas jaŋalyqtar
