«ادىرنا» ۇلتتىق پورتالى ەۋرازيالىق بانكپەن بىرلەسە قارجىلىق نارىقتىڭ نەگىزگى باعىتتارىندا باسىمدىق بەرىلگەن تۇستاردى اتاپ ءوتتى.
ەۋرازيالىق بانك 2021 جىل بويىنشا اتقارعان جۇمىستارىمەن، سونىمەن قاتار وتكەن جىلمەن سالىستىرعاندا ەكى ەسەلەگەن ناتيجەلەرىن ۇسىندى. نەگىزگى جەتىستىكتەرى بولشەك بيزنەستى تسيفرلىق ترانسفورماتسيالاۋ، كورپوراتيۆتىك سەكتوردى دامىتۋعا قاتىستى ايتىلدى. بۇل تۋرالى تولىعىراق ءباسپاسوز كونفەرەنتسياسىندا باسقارما توراعاسى ۆالەنتين موروزوۆ جانە باسقارما توراعاسىنىڭ قارجى بلوگى جونىندەگى ورىنباسارى ناتاليا درۋجينينا تارقاتىپ بەردى.
ۆالەنتين موروزوۆ جىل باسى ءتۇرلى قيىندىقتار مەن قارجىلىق سىندارعا تولى بولعانىنا قاراماستان 2021 جىل جەمىستى اياقتالعانىن تىلگە تيەك ەتتى:
"قازاقستان نارىعىنداعى بانكتەر قورىتىندى جاساي باستاعاندا، ولاردىڭ بارلىعىندا جالپى كارتينا وتە جاقسى كورىنەدى. ەگەر قر – داعى ەكونوميكالىق جاعداي تۋرالى ايتاتىن بولساق، ول جالپى العاندا تۇراقتى، ال قوعام مەن بيزنەستى قولداۋ بويىنشا ۇسىنىلاتىن مەملەكەتتىك شارالارعا كەلسەك، ولار دا ەل مۇددەسى ءۇشىن ءتيىمدى جۇمىستار اتقاردى، - دەدى ول سوزىندە.
سونداي-اق ۆالەنتين مىرزا، ەۋرازيالىق بانكتىڭ نارىقتاعى ساراپتاما كوشباسشىسى بولعاندىقتان، ەكونوميكا سالالارىنداعى كليەنتتەردى بانككە تارتۋعا دەن قوياتىنىن اتاي كەتتى.
ۇسىنىلعان ەسەپ دەرەكتەرى كليەنتتەردىڭ قاجەتتىلىكتەرىنە بەيىمدەلۋگە جانە جەدەل جاۋاپ قاتۋعا، تاۋەكەل دەڭگەيىن قولايلى دەڭگەيدە ۇستاۋعا مۇمكىندىك بەرگەنىنىڭ دالەلى بولدى.
نارىقتاعى وزگە دە بانكتەردەن وزگەشەلىگى جايلى:
«ولارمەن تىعىز ارالاسامىز، ءبىر-ءبىرىمىزدىڭ جۇمىستارىمىزبەن دە تانىسپىز. ءبىزدىڭ جىل سوڭىنداعى ەكى ەسە تابىسىمىزدىڭ بىردەن-ءبىر سەبەبى، ءبىزدىڭ كوپ جۇمىس ىستەپ، از جۇمساۋىمىزدا» دەدى ۆالەنتين موروزوۆ.
ناقتىراق ايتار بولساق، تابىس 2020 جىلعى 6,7 ملرد تەڭگەمەن سالىستىرعاندا ەكى ەسە ءوسىپ، 13 ملرد تەڭگەنى قۇرادى. بانك وكىلدەرىنىڭ ايتۋىنشا، بۇل نەسيە پورتفەلىنىڭ 13%-عا ءوسۋىنىڭ، ترانزاكتسيالىق كىرىستەردىڭ وسۋىنە باسا نازار اۋدارا وتىرىپ، تاۋەكەلدەردى باسقارۋ تاجىريبەسىن جەتىلدىرۋدىڭ ارقاسىندا مۇمكىن بولدى.
"2021 جىلى تسيفرلىق ترانسفورماتسياعا سالىنعان ينۆەستيتسيا 371 ميلليون تەڭگەنى قۇرادى. ونىڭ 214 ميلليونى نەگىزگى باعدارلامالىق-اپپاراتتىق جۇيەلەردى جاڭعىرتۋعا ينۆەستيتسيالاندى، بۇل نەگىزگى قوسىمشالاردىڭ ۇزدىكسىز جۇمىسىن قامتاماسىز ەتە وتىرىپ، ماڭىزدى قوسىمشالاردىڭ قولجەتىمدىلىگىن 99,8 پايىزعا دەيىن ارتتىرۋعا مۇمكىندىك بەردى»، - دەدى ناتاليا درۋجينينا ءباسپاسوز كونفەرەنتسياسىندا.
بانك رەيتينگى Moody's شكالاسى بويىنشا ۆ2 جانە "تۇراقتى" دەپ باعالاندى. سونىمەن قاتار حالىقارالىق رەيتينگ اگەنتتىگى وسىعان قاتىستى: «Moodys رەيتينگىنىڭ راستالۋى بانكتىڭ تۇراقتى دامۋىنا قاتىستى ۇمىتتەردىڭ ۇدەدەن شىققانىن كورسەتەدى. ۇزاق مەرزىمدى رەيتينگتەر بويىنشا تۇراقتى بولجام جاساعاندا بانكتىڭ جەتكىلىكتى كاپيتالدانۋىنا بەرىلگەن باعا، ورنىقتى كىرىستىلىگى جانە جوعارى وتىمدىلىگى ەسكەرىلۋى ءتيىس، بۇل ينفلياتسيانىڭ جوعارىلاۋى مەن بيزنەس جۇرگىزۋ شارتتارىنىڭ قاتاڭدانۋى سالدارىنان اكتيۆتەر ساپاسىنىڭ ناشارلاپ كەتۋ ىقتيمالدىعى تاۋەكەلىن باسقارۋعا مۇمكىندىك بەرەدى» دەگەن تۇسىندىرمە بەردى.
جاڭا تسيفرلىق ونىمدەر مەن قىزمەتتەردى، سونىڭ ىشىندە تۇراقتى دامىپ كەلە جاتقان Smartbank قوسىمشاسىن دامىتۋعا جۇمسالعان ينۆەستيتسيا شامامەن 157 ميلليون تەڭگەنى قۇرادى. ترانسفورماتسيامەن جۇمىس ىستەيتىن مامانداردىڭ جالاقىسىنا دەگەن ينۆەستيتسيا دا ءوسىم تاپتى. ناقتى دەرەكتەر بويىنشا، تسيفرلىق ترانسفورماتسيا بويىنشا جۇمىس ىستەيتىن ارىپتەستەردىڭ ەڭبەكاقىسىنا سالىنعان ينۆەستيتسيالار 4% - عا ارتقان. ۆالەنتين موروزوۆتىڭ باعالاۋى بويىنشا، پروتسەسس كۇردەلى، ۇزاق جانە قىمبات رەۆوليۋتسيالىق جۇمىستى بىلدىرمەيدى جانە كەزەڭ-كەزەڭمەن جۇزەگە اسىرىلادى.
وسىنىڭ ارقاسىندا بانكتىڭ بارلىق دەرلىك بولشەك ونىمدەرى مەن قىزمەتتەرى تسيفرلاندىرىلدى. سونداي-اق ساراپشىلاردىڭ پىكىرىنشە، بانك ينفلياتسيانىڭ جوعارىلاۋى مەن بيزنەس جاعدايلارىنىڭ قيىنداۋىنا بايلانىستى اكتيۆتەر ساپاسىنىڭ ىقتيمال ناشارلاۋ تاۋەكەلدەرىن باسقارا الادى.
كاپيتال جەتكىلىكتىلىگى جىلدىڭ قورىتىندىسى بويىنشا 12,2%-دى قۇرادى، بۇل نورماتيۆتىك تالاپتاردان 3,7%-عا جوعارى. وتىمدىلىگى جوعارى اكتيۆتەردىڭ دەڭگەيى جىل قورىتىندىسى بويىنشا 49,5% قۇرادى.
سونىمەن قاتار، 2022 جىلدىڭ العاشقى ءتورت تۋربۋلەنتتى ايىندا بانكتىڭ پايداسى 17 ملرد تەڭگەنى قۇرادى، بۇل بانكتىڭ كۇردەلى سىرتقى ورتاعا بەيىمدەلۋ قابىلەتىن تاعى دا راستايدى.
"وزگەرىستەر بولاتىنىن مەن ناقتى بىلەمىن. بۇل ءومىر، ارقاشان ءبىر نارسە بولادى: جامان نارسە وزدىگىنەن بولىپ جاتسا، ال جاقسى دۇنيەنى ءبىز جاساۋىمىز كەرەك. ءبارىن بولجاۋ مۇمكىن ەمەس، بىراق بارلىق نارسەگە دايىن بولۋ قاجەت، - دەپ تۇيىندەدى ەۋرازيالىق بانكتىڭ باسقارما توراعاسى ۆالەنتين موروزوۆ.
ەۋرازيالىق بانك سونىمەن قوسا، الەۋمەتتىك اكتسيالار مەن ماسەلەلەردى شەشۋدە جىل سايىن بەلسەندى ات سالىسىپ كەلە جاتقانىن ايتتى. جىل سايىنعى قالانى كوگالداندىرۋ، الەۋمەتتىك جاعدايى تومەن نەمەسە دەرتكە شالدىققان بالالارعا كومەك كورسەتۋ تۇرعىسىنان بيىل دا ءوز مۇمكىنشىلىكتەرىن ايانىپ قالمايتىنىن اتاي كەتتى.
قر قارجى نارىعىن رەتتەۋ جانە دامىتۋ اگەنتتىگى بەرگەن 2020 جىلعى 3 اقپانداعى № 1.2.68/242/40 ليتسەنزياسى
دينا ليتپين،
«ادىرنا» ۇلتتىق پورتالى
