ەگيپەتتە ەلدىڭ ەڭ باي وتباسىنىڭ باسشىسى قايتىس بولدى، دەپ حابارلايدى "ادىرنا" پورتالى «سينحۋا» اگەنتتىگىنە سىلتەمە جاساپ.
ەگيپەتتىڭ ەل-گۋنا كۋرورتتىق قالاسىندا 90 جاسىندا ەگيپەتتىڭ ەڭ باي وتباسىنىڭ باسشىسى، ەلدىڭ ەڭ ءىرى قۇرىلىس كومپانيالارىنىڭ ءبىرى Orascom-نىڭ نەگىزىن قالاعان ونسي ساۆيريس قايتىس بولدى. ءولىمىنىڭ سەبەبى ناقتىلانباعان.
Forbes مالىمەتتەرى بويىنشا ونسي ءساۆيريستىڭ بايلىعى 1,1 ميلليارد دوللارعا باعالانعان. كاسىپكەردىڭ ۇلدارى ناسسەف پەن ناگيب ساۆيريس ەگيپەتتەگى ميللياردەرلەر رەيتينگىنىڭ ءبىرىنشى جانە ەكىنشى جولدارىن الادى. ولاردىڭ داۋلەتى، Forbes Real-Time مالىمەتتەرىنە سايكەس، سايكەسىنشە 9,2 ملرد جانە 3,1 ملرد. وسىلايشا، ەڭ باي ەگيپەت وتباسى مۇشەلەرىنىڭ جيىنتىق بايلىعى 13,4 ميلليارد دوللارعا جەتەدى.
ونسي ساۆيريس 1930 جىلى دۇنيەگە كەلگەن. ول كاير ۋنيۆەرسيتەتىنىڭ ينجەنەر ماماندىعىن ءبىتىرىپ، 1950 جىلى 10 جىلدان كەيىن ەلدەگى ەڭ ءىرى مەردىگەرلەردىڭ بىرىنە اينالعان قۇرىلىس كومپانياسىن قۇردى. كومپانيا جولدار مەن سۋ جولدارىنىڭ قۇرىلىسىمەن اينالىسقان.
"ادىرنا" ۇلتتىق پورتالى
