«Adyrna» ūlttyq portaly Euraziialyq bankpen bırlese qarjylyq naryqtyŋ negızgı baǧyttarynda basymdyq berılgen tūstardy atap öttı.
Euraziialyq bank 2021 jyl boiynşa atqarǧan jūmystarymen, sonymen qatar ötken jylmen salystyrǧanda ekı eselegen nätijelerın ūsyndy. Negızgı jetıstıkterı bölşek biznestı sifrlyq transformasiialau, korporativtık sektordy damytuǧa qatysty aityldy. Būl turaly tolyǧyraq baspasöz konferensiiasynda basqarma töraǧasy Valentin Morozov jäne basqarma töraǧasynyŋ qarjy blogy jönındegı orynbasary Natalia Drujinina tarqatyp berdı.
Valentin Morozov jyl basy türlı qiyndyqtar men qarjylyq syndarǧa toly bolǧanyna qaramastan 2021 jyl jemıstı aiaqtalǧanyn tılge tiek ettı:
"Qazaqstan naryǧyndaǧy bankter qorytyndy jasai bastaǧanda, olardyŋ barlyǧynda jalpy kartina öte jaqsy körınedı. Eger QR – daǧy ekonomikalyq jaǧdai turaly aitatyn bolsaq, ol jalpy alǧanda tūraqty, al qoǧam men biznestı qoldau boiynşa ūsynylatyn memlekettık şaralarǧa kelsek, olar da el müddesı üşın tiımdı jūmystar atqardy, - dedı ol sözınde.Sondai-aq Valentin myrza, Euraziialyq banktıŋ naryqtaǧy saraptama köşbasşysy bolǧandyqtan, ekonomika salalaryndaǧy klientterdı bankke tartuǧa den qoiatynyn atai kettı. Ūsynylǧan esep derekterı klientterdıŋ qajettılıkterıne beiımdeluge jäne jedel jauap qatuǧa, täuekel deŋgeiın qolaily deŋgeide ūstauǧa mümkındık bergenınıŋ dälelı boldy. Naryqtaǧy özge de bankterden özgeşelıgı jaily:
«Olarmen tyǧyz aralasamyz, bır-bırımızdıŋ jūmystarymyzben de tanyspyz. Bızdıŋ jyl soŋyndaǧy ekı ese tabysymyzdyŋ bırden-bır sebebı, bızdıŋ köp jūmys ıstep, az jūmsauymyzda» dedı Valentin Morozov.Naqtyraq aitar bolsaq, tabys 2020 jylǧy 6,7 mlrd teŋgemen salystyrǧanda ekı ese ösıp, 13 mlrd teŋgenı qūrady. Bank ökılderınıŋ aituynşa, būl nesie portfelınıŋ 13%-ǧa ösuınıŋ, tranzaksiialyq kırısterdıŋ ösuıne basa nazar audara otyryp, täuekelderdı basqaru täjıribesın jetıldırudıŋ arqasynda mümkın boldy.
"2021 jyly sifrlyq transformasiiaǧa salynǧan investisiia 371 million teŋgenı qūrady. Onyŋ 214 milliony negızgı baǧdarlamalyq-apparattyq jüielerdı jaŋǧyrtuǧa investisiialandy, būl negızgı qosymşalardyŋ üzdıksız jūmysyn qamtamasyz ete otyryp, maŋyzdy qosymşalardyŋ qoljetımdılıgın 99,8 paiyzǧa deiın arttyruǧa mümkındık berdı», - dedı Natalia Drujinina baspasöz konferensiiasynda.Bank reitingı Moody's şkalasy boiynşa V2 jäne "tūraqty" dep baǧalandy. Sonymen qatar halyqaralyq reiting agenttıgı osyǧan qatysty: «Moodys reitingınıŋ rastaluy banktıŋ tūraqty damuyna qatysty ümıtterdıŋ üdeden şyqqanyn körsetedı. Ūzaq merzımdı reitingter boiynşa tūraqty boljam jasaǧanda banktıŋ jetkılıktı kapitaldanuyna berılgen baǧa, ornyqty kırıstılıgı jäne joǧary ötımdılıgı eskerıluı tiıs, būl infliasiianyŋ joǧarylauy men biznes jürgızu şarttarynyŋ qataŋdanuy saldarynan aktivter sapasynyŋ naşarlap ketu yqtimaldyǧy täuekelın basqaruǧa mümkındık beredı» degen tüsındırme berdı. Jaŋa sifrlyq önımder men qyzmetterdı, sonyŋ ışınde tūraqty damyp kele jatqan Smartbank qosymşasyn damytuǧa jūmsalǧan investisiia şamamen 157 million teŋgenı qūrady. Transformasiiamen jūmys ısteitın mamandardyŋ jalaqysyna degen investisiia da ösım tapty. Naqty derekter boiynşa, sifrlyq transformasiia boiynşa jūmys ısteitın ärıptesterdıŋ eŋbekaqysyna salynǧan investisiialar 4% - ǧa artqan. Valentin Morozovtyŋ baǧalauy boiynşa, prosess kürdelı, ūzaq jäne qymbat revoliusiialyq jūmysty bıldırmeidı jäne kezeŋ-kezeŋmen jüzege asyrylady. Osynyŋ arqasynda banktıŋ barlyq derlık bölşek önımderı men qyzmetterı sifrlandyryldy. Sondai-aq sarapşylardyŋ pıkırınşe, bank infliasiianyŋ joǧarylauy men biznes jaǧdailarynyŋ qiyndauyna bailanysty aktivter sapasynyŋ yqtimal naşarlau täuekelderın basqara alady. Kapital jetkılıktılıgı jyldyŋ qorytyndysy boiynşa 12,2%-dy qūrady, būl normativtık talaptardan 3,7%-ǧa joǧary. Ötımdılıgı joǧary aktivterdıŋ deŋgeiı jyl qorytyndysy boiynşa 49,5% qūrady. Sonymen qatar, 2022 jyldyŋ alǧaşqy tört turbulenttı aiynda banktıŋ paidasy 17 mlrd teŋgenı qūrady, būl Banktıŋ kürdelı syrtqy ortaǧa beiımdelu qabıletın taǧy da rastaidy.
"Özgerıster bolatynyn men naqty bılemın. Būl ömır, ärqaşan bır närse bolady: jaman närse özdıgınen bolyp jatsa, al jaqsy dünienı bız jasauymyz kerek. Bärın boljau mümkın emes, bıraq barlyq närsege daiyn bolu qajet, - dep tüiındedı Euraziialyq banktıŋ basqarma töraǧasy Valentin Morozov.Euraziialyq bank sonymen qosa, äleumettık aksiialar men mäselelerdı şeşude jyl saiyn belsendı at salysyp kele jatqanyn aitty. Jyl saiynǧy qalany kögaldandyru, äleumettık jaǧdaiy tömen nemese dertke şaldyqqan balalarǧa kömek körsetu tūrǧysynan biyl da öz mümkınşılıkterın aianyp qalmaitynyn atai kettı. QR qarjy naryǧyn retteu jäne damytu agenttıgı bergen 2020 jylǧy 3 aqpandaǧy № 1.2.68/242/40 lisenziiasy
Dina LİTPİN,
«Adyrna» ūlttyq portaly
Ūqsas jaŋalyqtar
