شىمكەنتتە 1 ايدا 14 مىڭ مەتر كۆادرات اسفالت توسەلدى

1973

ءۇشىنشى مەگاپوليستە جولداردى جوندەۋ جانە قالپىنا كەلتىرۋ جۇمىستارى جالعاسۋدا. بۇعان جاۋاپتى قالالىق جولاۋشىلار كولىگى جانە اۆتوموبيل جولدارى باسقارماسى وكىلدەرىنىڭ مالىمەتىنشە، ءبىرىنشى كەزەكتە، ماگيسترالدى كوشەلەردى كۇتىپ-ۇستاۋ جۇمىستارى ورىندالۋدا. كەشەندى جوسپار اياسىندا اۋا رايىنىڭ قولايلى ساتتەرىندە اعىمداعى جوندەۋ جۇرگىزىلىپ، وي-شۇڭقىرلار جامالعان.

– بۇگىنگى تاڭعا دەيىن مەردىگەر مەكەمەلەر ءوز مىندەتتەرىن ءتيىستى كەستەمەن ورىنداۋدا. جالپى كولەمى 14 000 مەتر كۆادرات كولەمدەگى جول جابىنى قالپىنا كەلتىرىلدى. ول جۇمىستار اياقتالعان سوڭ، ەكىنشى كەزەكتە، ەلدىمەكەندەردەگى ىشكى ورام كوشەلەرىن اعىمداعى جوندەۋ جۇرگىزىلەدى. ول جۇمىستار ماۋسىم ايىنان باستالادى دەپ جوسپارلانۋدا، – دەيدى باسقارما باسشىسى ەرجان جولداسوۆ.

جوندەلىپ جاتقان ماگيسترالدى كوشەلەردىڭ جالپى سانى – 41. ونىڭ ىشىندە ەڭ كوبى قالانىڭ ورتالىق اۋدانى سانالاتىن ءال-فارابي اۋدانىندا ورنالاسقان – 19 كوشە. بۇعان قوسا اباي اۋدانى بويىنشا – 9 كوشە، ەڭبەكشى اۋدانىندا – 8, ال قاراتاۋ اۋدانىندا 5 كوشە جوندەلدى.

جاۋاپتى مامانداردىڭ ايتۋىنشا، قالاداعى جولداردى كۇتىپ-ۇستاۋ ماقساتىندا اعىمداعى جوندەۋمەن قاتار كۇردەلى جوندەۋ جۇمىستارى دا جالعاسادى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket