قاڭتار وقيعاسى كەزىندە الماتىدا كولىگى بۇلىنگەندەرگە 258 ميلليون تەڭگە تولەندى

3847
Adyrna.kz Telegram
فوتو: egemen.kz
فوتو: egemen.kz

الماتى اكىمدىگى قاڭتار وقيعالارى كەزىندە بۇلىنگەن كولىك يەلەرىنە 258 ميلليون تەڭگە تولەدى. بۇل تۋرالى قالا ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

الماتى قالاسى اۋداندارىنىڭ اكىمدىكتەرىنە اۆتوكولىك يەلەرىنەن كەلتىرىلگەن زالالدى وتەۋ تۋرالى 99 ءوتىنىش تۇسكەنى حابارلاندى. جەكە تۇلعالارعا كەلتىرىلگەن شىعىندى وتەۋ تەتىگىنە سايكەس (ۇكىمەتتىڭ 2013 جىلعى 28 تامىزداعى №877 قاۋلىسىمەن بەكىتىلگەن تەرروريزم اكتىسى سالدارىنان جەكە جانە زاڭدى تۇلعالارعا كەلتىرىلگەن مۇلىكتىك زياندى وتەۋ قاعيدالارى بويىنشا) جالپى سوماسى 258 ميلليون تەڭگەگە 54 ءوتىنىم قاناعاتتاندىرىلدى (المالى اۋدانى - 33, اۋەزوۆ اۋدانى - 9, تۇركسىب اۋدانى - 12).

"اۋدان اكىمدىكتەرىنىڭ قاراۋىندا بۇلىنگەن جانە جانىپ كەتكەن اۆتوكولىكتەر جونىندە تاعى 45 ءوتىنىم بار (بوستاندىق اۋدانى - 40, مەدەۋ اۋدانى - 5). ولار بويىنشا تولەمدەردى بيىل 15 مامىرعا دەيىنگى مەرزىمدە جۇرگىزۋ جوسپارلانىپ وتىر. قوسىمشا وتىنىمدەردىڭ تۇسۋىنە قاراي الماتىنىڭ اۋداندىق اكىمدىكتەرى وسى باعىتتاعى جۇمىستى جالعاستىراتىن بولادى", - دەدى اكىمدىك وكىلدەرى.

ايتا كەتەيىك، وتىنىشتەردى اۋداندىق اكىمدىكتەر تۇسكەن كۇننەن باستاپ 1 اي ىشىندە قارايدى. مۇلىككە كەلتىرىلگەن زالالدى باعالاۋ ءوتىنىش تىركەلگەن كۇننەن باستاپ 7 كۇن مەرزىم بەلگىلەنەدى جانە زارداپ شەگۋشىنىڭ ءوزى تاڭداعان تاۋەلسىز ساراپشىلار جۇرگىزەدى. باعالاۋ بويىنشا شىعىستاردى جۇرگىزۋ اۋداندىق اكىمدىكتەر تۇلعاسىنداعى مەملەكەتتىك ورگاندارعا جۇكتەلگەن.

ادىرنا” ۇلتتىق پورتالى

پىكىرلەر