«QAZAVTOJOL» ۇك» اق ورتالىق اپپاراتىنىڭ جانە قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ باسشىلارى مەن ماماندارىنا قاتىستى اكىمشىلىك شارا قولدانىلدى، دەپ حابارلايدى "ادىرنا" پورتالى.
مەملەكەت باسشىسىنىڭ باتىس قازاقستان وبلىسىنداعى جولداردى جوندەۋ جونىندەگى تاپسىرماسىن ۋاقتىلى ورىنداماعانى ءۇشىن «QAZAVTOJOL» ۇك» اق بقو بويىنشا فيليالىنىڭ ديرەكتورى ءامىر كارىمباەۆ قىزمەتىنەن بوساتىلدى.
بۇدان بۇرىن حابارلانعانداي، مەملەكەت باسشىسىنىڭ باتىس قازاقستان وبلىسىنداعى جولداردى جوندەۋ جونىندەگى تاپسىرماسىن ۋاقتىلى ورىنداماعانى ءۇشىن قازاقستان رەسپۋبليكاسى يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ قىزمەتىنەن بوساتىلدى.
مەملەكەت باسشىسى قاسىم-جومارت توقاەۆ باتىس قازاقستان وبلىسىنداعى جولداردىڭ ناشارلىعى ماسەلەسىن تەز ارادا شەشىپ، بارلىق قاجەتتى شارالاردى قابىلداۋدى تاپسىردى. مەرزىمدى ورىنداماعانى ءۇشىن جاۋاپتىلار جازالانۋى كەرەك.
"ادىرنا" ۇلتتىق پورتالى
