ەكىباستۇزدا جۇرگىزۋشى جاياۋ جۇرگىنشىنى قاعىپ، قاشىپ كەتتى. بۇل تۋرالى pavlodarnews.kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، جول-كولىك وقيعاسى فاكتىسى بويىنشا قىلمىستىق ءىس قوزعالدى.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، اباي كوشەسىمەن كەلە جاتقان "اۋدي س4" اۆتوماشيناسىنىڭ جۇرگىزۋشىسى جول قوزعالىسىنىڭ قاۋىپسىزدىگىن قامتاماسىز ەتپەي، رەتتەلمەيتىن جاياۋ جۇرگىنشىلەر وتكەلىنىڭ ءجۇرىس بولىگىن ءوتىپ بارا جاتقان جاياۋ جۇرگىنشىنى قاعىپ كەتكەن.
"جول-كولىك وقيعاسى سالدارىنان جاراقات العان جاياۋ جۇرگىنشى اۋرۋحاناعا جاتقىزىلدى. اۆتوكولىك ارنايى تۇراققا قويىلدى", - دەپ حابارلادى دەپارتامەنت.پوليتسيا دەپارتامەنتى مۇنداي وقيعالاردىڭ الدىن الۋ ءۇشىن جول ءجۇرۋ ەرەجەلەرىن ساقتاۋ جانە كولىك قۇرالىنىڭ تەحنيكالىق جاعدايىن باقىلاۋ ماڭىزدى ەكەنىن ەسكە سالدى.
