الاتاۋ اۋدانى، دارابوز ىقشاماۋدانىنىڭ تۇرعىندارى جول بويىنداعى بەتون توسقاۋىلداردى وزدەرى قولمەن الىپ تاستادى. الماتى اكىمدىگى بۇل اۋماقتا جوندەۋ جۇمىستارى جۇرگىزىلەتىنىن ەسكە سالدى دەپ حابارلايدى "ادىرنا" ۇلتتىق پورتالى.
«مومىشۇلى كوشەسىن كۇتپەگەن جەردەن جوندەۋگە كىرىسكەن الماتىلىق مەردىگەرلەر الاتاۋ اۋدانىنداعى دارابوز ىقشاماۋدانىنىڭ تۇرعىندارىنا ەسكەرتپەستەن، تۇرعىن ءۇي كەشەنىنەن شىعاتىن بارلىق نەگىزگى شىعۋ جولدارىن بەتون توسقاۋىلدارمەن قورشاپ تاستاعان»، - دەلىنگەن EGOV.PRESS Telegram-كانالىنداعى ۆيدەونىڭ سيپاتتاماسىندا.
كادرلاردان بەتون بوگەتتەردىڭ كەسىرىنەن جۇرە الماي تۇرعان كولىكتەردىڭ ۇزىن-سونار كەپتەلىسىن بايقاۋعا بولادى. ارتىنشا ءبىر توپ ەر ادامدار قوزعالىستى بوساتۋ ءۇشىن بلوكتاردى قولمەن جىلجىتا باستايدى.
بەينەجازباعا تۇسىنىكتەمە بەرگەن الماتى اكىمدىگى بۇعان دەيىن مومىشۇلى كوشەسىنىڭ جابىلاتىنى تۋرالى سىزبا جاريالانعانىن جانە وندا اينالما جولدار كورسەتىلگەنىن، تۇرعىندارعا شارالار تۋرالى اقپارات حابارلانعانىن ەسكە سالدى. بۇگىندە جوندەۋ جۇمىستارى جالعاسۋدا.
«رىسقۇلوۆ داڭعىلىنان «دارابوز» شاعىن اۋدانىنا دەيىنگى ۋچاسكەدە جۇمىستار اياقتالىپ، كولىك قوزعالىسى اشىلدى، «دارابوز» ىقشاماۋدانىنان موڭكە بي كوشەسىنە دەيىنگى ۋچاسكەدە اسفالتبەتون توسەلدى، بىراق قوسپانىڭ سالقىنداۋىنا ۋاقىت قاجەت. بۇل ۋچاسكەدە قوزعالىس 15 تامىز كۇنى تاڭەرتەڭ اشىلادى. رىسقۇلوۆ داڭعىلى بويىمەن جانە ف.وڭعارسىنوۆا، ۋنيۆەرسيادنايا، موڭكە بي جانە اقبۇلاق شاعىن اۋدانى كوشەلەرى بويىمەن اينالما جول قاراستىرىلعان. سونداي-اق، 14 تامىز ساعات 23:00-دەن 16 تامىز 11:00-گە دەيىن رايىمبەك داڭعىلىنان رىسقۇلوۆ داڭعىلىنا دەيىنگى اۋماقتا كولىك قوزعالىسى شەكتەلەدى. اينالما جول تالدىارال، ەسپاەۆ جانە ق.ءشارىپوۆ كوشەلەرىنىڭ بويىمەن جۇزەگە اسىرىلادى»، - دەيدى قالا اكىمدىگى.
ەستەرىڭىزگە سالا كەتەيىك، 15 قىركۇيەككە دەيىن سۇلتانبەك قوجانوۆ كوشەسىنىڭ بويىندا الماگۇل ىقشاماۋدانىنىڭ 15-ءشى عيماراتىنان تايىر جاروكوۆ كوشەسىنە دەيىن كولىكتەر ءۇشىن قوزعالىس جابىلعان بولاتىن.
ءتىپتى 15 قىركۇيەككە دەيىن رادوستوۆەتس كوشەسىنەن گاگارين داڭعىلىنا دەيىنگى ۋچاسكە جابىق بولادى. الماتىنىڭ تۇركسىب اۋدانىندا 31 تامىزعا دەيىن 57 جىل بۇرىنعى قۇبىردى اۋىستىرۋعا بايلانىستى ءسۇيىنباي داڭعىلى بويىمەن No375 ۇيدەن No419 ۇيگە دەيىن كولىك قوزعالىسى شەكتەلدى.
