نۇرات ءىلياس: نەگە ۋكراينا رەسەي ءۇشىن سونشالىقتى ماڭىزدى؟

2481
1. ءپۋتيننىڭ فاشيستىك رەجيمىنىڭ «ارنايى اسكەري وپەراتسيا» دەپ باستاعان باسقىنشىلىق، جاۋلاپ الۋشىلىق سوعىسىنىڭ باستالعانىنا بۇگىن 51 كۇن بولدى. كەزىندە گيتلەر دە «ارنايى اسكەري وپەراتسيا» «گەرمانيانىڭ باسقا امالى قالمادى» دەگەن سوزدەرمەن باستاعان ءوزىنىڭ جاۋلاپ الۋشىلىق سوعىسىن. ءپۋتيننىڭ ءىسى-كادىمگى فاشيزم. جانە ونىڭ ۋلتيماتۋمى دا ەرەكشە. «كەدەرگى جاساعان ەلگە اتوم قارۋىن تاستايمىن»-دەيدى. ۋكرايندى الا السا كەلەسىسىن باستاماق. الەمدە ءالى دە كوپ ادام ءتۇس كورىپ جۇرگەن سياقتى. بۇل سوعىس - 21 عاسىردا بۇۇ مۇشە ءبىر مەملەكەتتى كادىمگىدەي جاۋلاپ الىپ، جويىپ جىبەرۋگە باعىتتالعان سوعىس. ءار ادام ءوزىنىڭ كۇندەلىكتى كۇيبەڭ تىرشىلىگىمەن ءومىر ءسۇرىپ، كەي كەزدەرى وندا نە بولىپ جاتقانىن ۇمىتىپ كەتەدى. بارلىق اۋىرتپالىق ۋكرايناعا، ۋكراين حالقىنا ءتيىپ جاتىر. حرونولوگيا بويىنشا -بۋچا قىرعىنى، زورلىق-زومبىلىق، كەشەگى رەسەيدىڭ الەمدە تەڭدەسى جوق «انالوگوۆ نەت» ماسكەۋ كەمەسىنىڭ سۋعا كەتۋى، ەندى تىزە بەرسەڭ كوپ.
2. رەسەي بۇل سوعىستى «دەناتسيفيكاتسيا جانە دەميليتاريزاتسيا» دەگەن ماقستاتپەن، جوسپارمەن باستادى. دەناتسيفيكاتسيا-دەگەنىمىز ۇلتسىزداندىرىۋ، ساناسىزداندىرۋ، ماڭگۇرتتەۋ. ياعني ۇلتتى جويۋ. رەسەي ايتقان «ۇلتشىلسىزداندىرۋى» ەمەس. رەسەيگە سەنسەڭ ۋكرايناعا باسىپ كىرىپ ۋكراين قالالارىن قيراتىپ، ادامىن ءولتىرىپ، ايەلدەرىن زورلاپ جاتقان جاتقان رەسەيلىكەردى ولتىرگەن ۋكراين اسكەرىنىڭ ارەكەتى زاڭسىز. ياعني كىنالى. نەمەسە الەمدە «ۇلى ورىس ۇلتىن» تۇسىنبەگەنىڭ ءبارى فاشيست، جاۋ. بۇۇ-دا رەسەيگە 145 ەل قارسى شىقتى. . رەسەي تۇسىنىگىنشە ونىڭ ءبارى جاۋ، ۇلتشىل ۋكراينداردى قولدايدى. ءبىز سياقتى قالىس قالعاندار دا ۇلتشىل. ال دەميليتاريزاتسيا-دەگەنىمىز قارۋسىزداندىرۋ، قاۋقارسىزداندىرۋ، مەملەكەت رەتىندە ءوزىڭدى-ءوزىڭ قورعاي الماۋ. رەسەي تۇسىنىگىندە وعان قارسى كەلمەۋ. بۇل ەندى سۇمدىق. ال ءبىزدى ۇلتسىزداندىرۋ دا كەرەك جوق سياقتى. 30 جىل بويى ءوزىمىز دە..
ماعاۋيننىڭ «ۇلتسىزدانۋ ۇرانى» جازبالارى ەسكە تۇسەدى.
3. قالاي باستالدى؟ رەسەيدىڭ ارمانى، ماقساتى نە؟ ءسال كەرى شەگىنسەك. ءپۋتيننىڭ، فاشيستىك رەسەي بيلىگىنىڭ وزەكتەرىن ورتەيتىن وكىنىشتەرى بار. ءبىرىنشىسى 1917 جىلى پاتشانىڭ تاقتان قۇلاۋى، ءبىرتۇتاس رەسەي يمپەرياسى «قايداعى ءبىر لەنين» تاراپىنان ۇلتتىق مەملەكەتتەرگە ءبولىنىپ كسرو بولىپ قايتا قۇرىلۋى. ەكىنشى وكىنىشتەرى - كەزىندە لەنيننىڭ كسرو استىنا قويعان «بومباسى» 1991 جىلى جارىلىپ، كسرو ىدىراۋى. ياعني «دە-فاكتو بۇرىنعى رەسەي ىدىرادى» ءدال وسىنى سوعىس باستالاردان ءبىر كۇن بۇرىن 23 اقپاندا پۋتين الەمگە 1 ساعاتتىق لەكتسيا ەتىپ وقىدى. ونى تالداۋ ۇزاق اڭگىمە.
4. تسيفرلارعا، داتالارعا نازار اۋدارىڭىز! 1917 جىلى 23 اقپاندا رەسەيدە پاتشا تاقتان قۇلادى، ياعني «اقپان توڭكەرىسى»، سول جىلى بولشەۆيكتەر قازاندا قايتا توڭكەرىس جاسادى. قازىرگى رەسەي سول كەزدەگى ەكى توڭكەرىسكە دە باتىستى كىنالايدى. لەنيندى جىبەرگەن گەرمانيانى كىنالايدى. 23 اقپان- كسرو-دا اسكەرى كۇنى بولدى. قازىر رەسەي جانە كەيبىر پوستكەڭەس ەلدەرىندە اسكەرى كۇنى. رەسەيشىل ءتىپتى رەسەي قويعان ۋكراينا ءتورتىنشى پرەزيدەنتى ۆيكتور يانۋكوۆيچ 2014 جىلى 22 اقپاندا كيەۆتەن قۋىلدى. نەگە تسرۋ، گوسدەپ ءدال سول كۇنى يانۋكوۆيچتى توڭكەردى دەگەن سۇراق ءپۋتيننىڭ جۇرەگىندە قارا قان بولىپ قاتىپ قالدى.
5. يانۋكوۆيچ 2013 جىلى كۇزدە ەۋروداقپەن ساۋدا-ساتتىق كەلىسىمگە قول قويۋدان باس تارتتى. سول ءۇشىن كيەۆتە مايدان باستالدى. مايدان 2014 جىلدىڭ اقپانىنا دەيىن سوزىلدى. سەبەبى رەسەي يانۋكوۆيچتى كەلەسى 2014 جىلى قۇرىلعالى جاتقان ەۆرازەس-كە شاقىرىپ قويعان ەدى. بارلىق قىزىق سول جەردەن باستالدى. رەسمي ماسكەۋ ۋكراينانىڭ زاڭدى پرەزيدەنتىن اقش، تسرۋ، گوسدەپ توڭكەردى دەپ سول كەزدەن باستاپ ايىپتادى. سول جىلى قىرىم باسىپ الىندى. رەسەي دونباسس پەن لۋگانسكىنى ءبۇلدىردى. كەيىن مينسك كەلىسىمى بولدى. ءبارىن قىسقا ايتۋعا تىرىسايىق.
6. ارادا تىرەسكەن 7 جىل ءوتتى. ستامبۋلدا «پراۆىي سەكتور» ادامدارىمەن سويلەستىم. ايتۋلارىنشا پوروشەنكو مەن زەلەنسكيدى كرەمل ساتىپ الماق بولعان. تۇك شىقپاعان. سوعىسپەن باعىندىرۋ كەرەك بولدى. 06.12.2021 كۇنى جيريك «سوعىستى 02.22.2022 باستايمىز» دەدى. بىراق دنر مەن لنر-ءدى 21 اقپان كۇنى مويىنداپ بارىپ 24 اقپاندا باستادى. اقش بارلاۋ قىزمەتى ءدال ۋاقىتىن ايتتى. كيەۆتەگىلەر رەسەي اسكەردى دنر مەن لنر-گە عانا كىرگىزىپ شەكتەلەدى دەپ ويلاعان. ەستەرىڭىزدە بولسا سوعىس باستالعانان كەيىن يانۋكوۆيچتى 2 مارتە ارانايى ۇشاقپەن مينسكىگە الىپ كەلدى. كيەۆتە بيلىك قۇلاعان جاعدايدا ۆاشينگتون مەن بريۋسسەلدىڭ كوزىنە شۇقىپ يانۋكوۆيچتى قايتا تاققا وتىرعىزباق بولدى. ۋكراينا مەنىڭ تەرريتوريام دەگىسى كەلدى.
7. كسرو 1922 جىلدىڭ 30 جەلتوقسانىندا قۇرىلدى. بيىل 100 جىلدىعى.
ءار جىلدىڭ سوڭىندا پۋتين تمد ەلدەرى باسشىلارىن «اق پاتشا» وتىرعان، رەسەي يمپەرياسىنىڭ استاناسى بولعان سانكت-پەتەربۋرگكە رەسمي ەمەس سامميتكە شاقىرادى. بىلاي ايتقاندا جىل قورىتىندىلاپ، ەسەپ الىپ، كىم ورنىندا قالادى، كىم كەتەدى سوسىن كەلەسى جىلعا جوسپار قۇرادى. 28.12.2021 جىلعى كەزدەسۋدەگى جوسپار ەرەكشە بولدى. بىزدەگى «اقپان وقيعاسىنا» تىكەلەي قاتىسى بار. قازاقستاندى ءبىر پىسىقتاپ العىسى كەلدى. سەبەبى الدا ۇلكەن جوسپار تۇردى. 2014 جىلى استانادا مامىر ايىندا بۇرىنعى «كەدەندىك وداق» ەلدەرى «ەۋرازيالىق ەكونوميكالىق وداققا» قول قويدى. وداق 2015 جىلدان باستاپ جۇمىس ىستەي باستادى. رەسەي وسى وداققا و باستان ۋكراينانى تارتقىسى كەلدى. تارتىس سول ءۇشىن باستالدى. رەسەي ءۇشىن بۇل وداقتىڭ ۋكرايناسىز ماڭىزى ونشا بولمايتىن ەدى.
8. جوسپار بويىنشا سوعىس 24 اقپاندا باستالادى. ءبىر اپتا نەمەسە ارى كەتسە 1 اي ىشىندە ۋكراينا اسكەرى تىزە بۇگىپ، قازىرگى بيلىك قاشىپ كەتەدى. 9 مامىر كۇنى پۋتين كيەۆتە جەڭىس پارادىن وتكىزەدى. باندەراشىلار تۋىن ورتەيدى. 24 تامىز ۋكراينا تاۋەلسىز كۇنىندە ۋكراينادا پرەزيدەنتتىك پارلامەنتتىك سايلاۋ وتەدى. كۋكلا باسشىلار بيلىككە كەلەدى. ماسكەۋگە قاراستى پارلامەنت ۋكراينا اتازاڭىن وزگەرتەدى. جىل سوڭىنداعى سانكت-پەتەربۋرگتاعى جيىن جىلداعىاي بەيرەسمي ەمەس، رەسمي تۇردە وتەدى. مۇمكىن 30.12.2022 وتەدى. سەبەبى ۋكراينا «وداققا قوسىلادى» «لەنين بۇلدىرگەن، كسرو-نىڭ قۇرىلعانىنىڭ 100 جىلدىعىنا بايلانىستى (30.12.1922) جاڭا وداق قۇرىلادى. وداق جاڭا فورماتقا كوشەدى. ورتاق پارلامەنت پەن ورتاق اقشا بولادى. كەيىن ورتاق پارلامەنت شىعارعان زاڭعا باعىنۋ كەرەك بولاسىڭ. ماسكەۋدىڭ باستى جوسپارىندا بۇل وداقتا رەسەي، ۋكراينا، قازاقستان جانە بەلورۋس بولۋ كەرەك. ياعني بۇرىنعى كسرو-نىڭ 90 پايىزى. ولاردىڭ بولۋى ماسكەۋ ءۇشىن گەوساياساتتا ماڭىزدى.
9. قايتا شاپقان جاۋ جامان دەمەكشى رەسەيدىڭ ويى ودان ارىعا بارۋ. ءبىر كۇنى «ورتاق پارلامەنت» تەك ءبىرتۇتاس رەسەي دەگەندى شىعارا سالادى. قازاقستاندى بۇرىنعى پاتشالىق رەسەي كەزىندەگى سياقتى ۆەرتيكالدى تۇردە سولتۇستكەن تومەنگە قاراي جەتى ايماققا ءبولىپ تاستاۋى مۇمكىن. ۋكريانانى مەن بەللورۋسسيانى دا ايماقتارعا بولە سالادى. ءبولىپ ال دا بيلەي بەر. ونداي بولماسىن ەشقاشان! جامان ايتپاي جاقسى جوق، رەسەيدەن، كوزى قاراۋىتقان پۋتين رەجيمىنەن ءبارىن كۇتۋگە بولادى. كوز الدىما قازىرگى جاعىمپاز توبىر ەلەستەپ كەتتى. پالەنشە تۇگەن ورىنعا «لايىقتى» تاعايىندالدى دەپ ول كەزدە دە جۇرە بەرەتىن سياقتى. ويكەنى كسرو كەزىندە سولاي بولعان.
10. نەگە ۋكراينا رەسەي ءۇشىن سونشالىقتى ماڭىزدى؟ رەسەي حالقى 145 ملن. ونىڭ ىشىندە ورىس، سلاۆيان 106 ملن. رەسەيدە ءبىر كۇندە 4 مىڭ ادام ومىرگە كەلىپ 7 مىڭ ادام ادام قايتىس بولادى. شىعىن كۇنىنە 3 مىڭ. ءبىر جىلدا 1 ملن ادام دەي بەرىڭىز. ونىڭ ىشىندە دە ورىس كوپ ولەدى، كوپ تۋمايدى. 35 ملن تۇرعىنى بار وزبەكستان كۇنىنە 1 مىڭ 800 ادامعا، 39 ملن حالقى بار اۋعانستان 2 مىڭ ادامعا كوبەيىپ جاتىر. قازاقستان 740 ادامعا. ۋكراينا جەرى تەگىس قارا جەر، قۇنارلى، ەڭ باستىسى ورىس بولۋعا دايىن ۋكراين بار. 10 ملن بەللورۋسپەن 45 ملن ۋكراين رەسەي ءۇشىن تاپتىرماس بايلىق. ورىس ازايسا كەلەشەكتە انا جەردى ۇستاپ تۇرا المايدى. ءوزىڭدى-ءوزىڭ قامتاماسىز ەتىپ جاقسى ەكونوميكا قۇرۋ ءۇشىن، ۇلكەن دەرجاۆا بولۋ ءۇشىن ەكونوميستەردىڭ ايتۋى بويىنشا كەمىندە 200 ملن ادام كەرەك. نەمەسە بەلگىلى ءبىر وداقتا بولۋىڭ كەرەك.
11. كەشكە دەيىن ماسكەۋدىڭ قاقساي بەرتىنىندەي ناتو شىعىس ەۋروپاعا جىلجىپ جاتىر ما؟ جوق. كەرىسىنشە شىعىس ەۋروپالىقتار رەسەيدەن قورقىپ ناتو-نىڭ ەسىگىن قاعۋدا. بەيتاراپ ساياسات ۇستانىپ كەلگەن شۆەتسيا مەن فينلانيديا دا ءوتىنىش بەردى. وسى ەكى ەل ناتو-عا كىرسە رەسەي ەشتەڭە ىستەي المايدى. كەزىندەگى ۆارشاۆا شارتتى ۇيىمىنا مۇشە ەلدەردىڭ بارلىعى ناتو-عا كىرىپ جاتىر. بۇرىنعى كسرو-دان 3 ەل كىرىپ كەتتى. نەگە؟ سەبەبى رەسەيگە دەگەن سەنىم جوق. رەسەيگە قۇل بولعىسى كەلمەيدى. ۋكارينا ماسكەۋدىڭ جوسپارىن بىت-شىت قىلدى. ۋكراينا ءبىز ءۇشىن دە سوعىسىپ جاتىر.
12. رەسەيدىڭ قۇرعان ودكب ۇيىمى بار. بۇل رەسەيدىڭ ناتو-سى. نەگە شىعىس ەۋروپا ەلدەرى نەمەسە باسقا ەلدەر وسى ۇيىمعا كىرۋگە ءوتىنىش بەرمەيدى. سەبەبى توزاققا ءوزى كەلىپ تۇسەدى. ءوتىنىش بەرسە تەك سيريا بەرەر )) نەمەسە رەسەيدىڭ قۇرعان ەۆرازەس-ءى (ەۋرازيالىق ەكونوميكالىق وداعى) بار. نەگە وسى وداققا ەشكىم قىزىعۋشىلىق تانىتىپ ءوتىنىش بەرمەيدى. كۇشپەن اكەلىپ كىرگىزىپ قويعان بەلورۋسسيا، قازاقستان، قىرعىز، ارميانداردى ەسەپتەمەگەندە. ەكى وداقتى سالىستىرۋعا كەلمەيدى. مۇندا جيگۋليدى 50 مىڭ دوللارعا الىپ رەسەيدىڭ قۇلى بولاسىڭ. E gov-تى سبەرگە تىعادى. بارلىق تابىس ماسكەۋگە كەتەدى. ورىس ءتىلىن مىندەتتەيدى. ايتا بەرسەڭ كوپ.
13. رەسەي بيلىگىنىڭ تۇسىنىگىندە الەمدە رۋسوفوبيا كوبەيىپ كەتتى. ماسكەۋدىڭ زەرتەۋىنشە ونداي ەلدەردىڭ سانى 50 جەتتى. تۇسىنگەن ادامعا بۇل رۋسوفوبيا ەمەس - بۇل انتيفاشيزم. ءپۋتيننىڭ جانە كوپتەگەن ورىستىڭ تۇسىنىگىندە ورىستار- جوعارى ساناتتاعى ۇلت. ال ونى مويىنداماعاندار-جاڭاۇلتشىدار، فاشيستەر. نەگىزگى جاڭاۇلتشىلدار پۋتين رەجيمى.
14. رەسەي شۆەتسيا مەن فينلاندياعا: سەندەر نەگە ناتو-عا كىرەسىڭدەر؟
ەكى ەل: قاۋىپسىزدىگىمىزدى قامتاماسىز ەتۋ ءۇشىن.
رەسەي: ءبىر ەلدىڭ قاۋىپتىلىگى، ياعني رەسەيدىڭ قاۋىپتىلىگى ءۇشىن ول وداققا كىرۋگە بولمايدى.
ەكى ەل: ءبىز رەسەيگە قاۋىپ ءتوندىرۋ ءۇشىن ەمەس، ءوزىمىزدىڭ قاۋىپسىزدىك ماسەلەمىز ءۇشىن كىرگەل جاتىرمىز. ناتو مەن ەۋروداقتا شارتتار باسقا. ودكب مەن ەۋرازيا وداعىندا باسقا.
15. رەسەي ءسىم لاۆروۆ: ەگەر ۋكراينا ءبىزدىڭ ەلگە زىمىرانمەن اتقىلايتىن بولسا - بۇل سوعىس دەگەن ءسوز. حالىقارىلىق كەلىسىمدەرگە قايشى. ءبىز كيەۆتىڭ ورتالىعىن بومبالايمىز.
الەم ەلدەرى: سەن ءوزىڭ نە ىستەپ جاتىرسىڭ ۋكراينادا؟
لاۆروۆ: تۇسىنەسىڭدەر مە؟ ول جەردە ورىس ءتىلىن ۇمىتىپ قالعان جاستار ءوسىپ كەلەدى ولار ۇلتشىلدار، ءبىز سولار ءۇشىن «ءجاي اشەيىن اسكەري وپەراتسيا جۇرگىزىپ جاتىرمىز. نەگىزى ءبىز ۋكرايناعا شابۋىل جاسامادىق. ءبىز ەشكىمگە شابۋىل جاسامايمىز دا. بۇل 10 ناۋرىز كۇنى تۇركيا، انتاليادا بولعان فورۋمنان. كىمنىڭ ەسى اۋىسىپ قالعان مۇندا؟ رەسەيدى تازا شيزيك، اۋراۋلار باسقارۋدا.
16. ءفاشيزمنىڭ تولىق ىسكە اسۋى ءۇشىن 12 پرينتسيپ بار ەكەن. پۋتين رەجيمى بۇل كورسەتكىشتى 15 جەتكىزگەن. مىسالى رەسەيدىڭ ىشىندەگى اۆتونوميالى ەلدەردىڭ ءبىرىن تاۋەلسىز ەتىپ جىبەرسەڭ، سىرتتان ەشكىم تيىسپەگەن جاعدايدىڭ وزىندە ەل بولۋلارى قيىن ەكەن. ساناسى ابدەن وشكەن. ۇزاق ۋاقىت تەنتىرەپ جۇرە بەرەدى ەكەن. جاڭا قوجايىن ىزدەپ تۇرادى ەكەن. ال بيىل گەورگي لەنتاسىن تاعىپ «ولىك، ولىمتىك، ولەكسە پولك» شەرۋىن وتكىزگەن ەلدەر رەسەي ءفاشيزمىنىڭ ىقپالىندا دەپ ەسەپتەي بەرىڭىز.
17. تىنىش جاتقان دونەتسكى مەن لۋگانسكىنى بۇلدىرگەن رەسەيدىڭ ءوزى. «ۋكرايناداعى ورىستار قىسىم كورىپ جاتىر» دەپ سەپاراتيزمگە باستاعان رەسەي. بۇل ەكى ايماقتاعى ورىستاردىڭ قۇلاعىن كوتەردى. ولار «داۆاي بولىنەمىز» دەدى. ەندى پۋتين وسى ەكى ايماق تۇرعىندارىنىڭ قولىنا قارۋ بەرىپ كيەۆكە ايداپ سالدى. قازىر باستارىنان تىنىشتىق كەتكەندەرىنە وكىنىپ قالدى. ءدال وسىنداي جاعداي 2008 جىلى رسەيدىڭ ايتاقتاۋىمەن گرۋزيادان ءبولىنىپ كەتكەن وڭتۇستىك وسەتيا مەن ابحازياينىڭ باسىنا كەلىپ جاتىر. ولاردىڭ دا قولىن قارۋ بەرىپ ۋكرايناعا ايداپ سالىپ جاتىر. ساۋاپ بولدى ءبىر جاعىنان. بىزدەگى ورىستار وسى جاعدايلاردى كورگەن شىعار. بىراق ولاردىڭ ارمانى رەسەي كەلسە قايتادان «ستارشي برات» بولۋ. ونى جاسىرماي ايتىپ ءجۇر. وزگە ۇلت بولعاندىعى ءۇشىن دەپۋتات بولىپ بيۋدجەتتەن 30 جىل جەم جەپ جۇرگەن «اسسامبلەيا» وكىلدەرى دە ماسكەۋگە مويىن بۇرادى. قانشا ءيىلىپ قۇرمەت كورسەتسەڭ دە وسىندا جۇرگەنىن مىندەتسىنىپ تۇرادى. ونى دا ەسكەرۋ كەرەك.
18. 1990-2000 جىلدارى ولگەن چەچەندەردە ارمان جوق ەكەن. وتاندارى ءۇشىن ءولدى قازىر پۋتين ءۇشىن، رەسەي ءفاشيزمى ءۇشىن ءولىپ جاتىر. پولشا پرەزيدەنتى كەسكەرتتى. «ەگەر رەسەيدى قازىر توقتاتپاسا ۋكراينانى جاۋلاعان سوڭ ولاردى 5 جىلدا ۋكراينداردى Zومبي ەتىپ كەلەسى ءبىر ەلگە شابۋىل جاسايدى»- دەدى. رەسەي ءفاشيزىمىن ۇگىتتەۋ ءۇشىن رەسەيدىڭ مەملەكەتتىك ارنالارى ادەيىگە بەلگىلى باعدارلامالارعا سيمونيان مەن كەۋدەسىنە Z تاڭباسىن قويعان تاتار ماڭگۇرت سياقتىلاردى ۇگىتتەۋگە قويعان. باسقالار دا قولداپ جاتىر دەگەن ماعىنادا.
19. تىۆادان، بۋراتيادان جانە باسقا ايماقتاردان بودان ۇلتتار ۋكرايناعا جونەلتىلىپ جاتىر. كوبى ولىك بولىپ قايتادى. ەرتەڭ سولار ماسكەۋدە جۇرگەندە پوليتسيا تاراپىنان « ەي چۋركا، چۋكچا، چەرنىي، حادجيك يدي سيۋدا» دەگەندى ەستيدى. ول بايعۇس قالتاسىنان رەسەيدىڭ پاسپورتىن شىعارىپ كورسەتىپ، رەسەي ءۇشىن ۋكريانادا سوعىسقانىن دالەلدەيدى. رەسەيگە بۋرياتتار كەرەك جوق-بىراق بۋراتيا كەرەك. ياكۋتتار كەرەك جوق-بىراق ياكۋتيا كەرەك. ولار سوعىس كەزىندە اسكەر بولۋ كەرەك، باسقا ۋاقىتتا موسكۆادا ساندالماي بۇعى باعۋ كەرەك. كاۆكازدىقتار دا سولاي، باسقا كەزدە كاۆكازدا تاۋدا جاتۋ كەرەك.
20. «ويباي 8 جىل بويى باندەرالار ورىستى ولتىرگەندە باتىس قايدا قارادى» دەيدى ماسكەۋ. 8 جىل بويى سول ايماقتى بۇلىكتىرگەن رەسەي. رەسەيدىڭ زالىمدىعىنا ويلى ادامنىڭ جۇيكەسى شىداس بەرمەيتىن سياقتى. نەتكەن ارانداتۋشىلىقتىڭ، وتىرىكتىڭ ورداسى. بىراق سۇمدىقتىڭ سوڭى بۇل ەمەس. ەڭ سۇمدىعى رەسەيدىڭ وسىنداي پروپوگانداسىن ءبىزدىڭ الماتۆ سياقتى كابەلدىك جانە كابەلدىك ەمەس ارنالاردىڭ كورسەتۋى. «ەلدىڭ جاعدايى تاماشا-دەپ كەشكە دەيىن وتىرىك ايتاتىن ءبىزدىڭ كانالدار ولاردىڭ جانىندا اينالايىن بولىپ قالادى ەكەن.
21. رەسەيدىڭ ءدال قازىر قويىپ وتىرعان تاعى ءبىر شارتى ول ناتو-نىڭ تاراپ كەتۋى. ناتو تاراپ كەتسىن دەيدى. ال مەيلى تاراپ كەتسىن. سوسىن ەرتەڭ رەسەي بالتىق ەلىندەگى ءۇش ەلدەن باستاپ بارىنە باس سالادى. كەيىنگىسى پولشا. «رۋسسكي ءميردى» قۇرامىن دەيدى. ەڭ بولماسا «سلاۆيان ءميرى» دەگەن دە جوق. وسى «رۋسسكي مير» يدەياسىمەن بىزگە دە كەلدى. ءبىز قالاي ورىس بولامىز؟ «ورىس الەمىنە» جول جابىق ال ورىس تىلىڭە» قارسى ەمەسپىز ويتكەنى ونسىز دا ورىس تىلىندە سويلەپ ءجۇرمىز دەپ ارەڭ قۇتىلعانداي بولدىق.
22. 1932-33 جىلدارى ماسكەۋ كسرو-دا ەكى ۇلتتى اشتان قىردى. ۋكراينداردى قىرىپ السىرەتسە بالتىق تەڭىزى مەن اكۋكازعا دەيىنگى ارالىق تىنىش بولادى. ورتا ازيادا قازاقتى قىرسا، بۇل ايماق تا تىنىش بولادى. بىراق ءباربىر كسرو ىداراۋىنا 1991 جىلى ۋكراينا كوپ ۇلەس قوستى. كوپ جىلدارعا دەيىن ولاردا ستەپان باندەرا بىزدە ءاليحان باستاعان الاش ورداشىلار حالىق جاۋى رەتىندە ايتىلىپ كەلدى. ماسكەۋدىڭ تالابى-وسى جاعداي ارى قاراي جالعاسا بەرەۋ كەرەك.
23. «قىرىم بىزدىكى بولدى، انا جەر-مىنا جەر بىزدىكى بولدى» دەيدى. قاي جەر كىمدىكى بولمادى. وندايعا سالساڭ قىرىمدا جانە وڭتۇستىك ۋكراينا جەرىندە ەڭ كوپ ۋاقىت تۇرعاندار گرەكتەر. قىرىمنىڭ ەسكى اتى تاۆريدا. «پول» سوزىمەن اياقتالاتىن جەردىڭ بارىندە مىڭداعان جىلدار گرەكتەر تۇردى. سەۆاستوپول، مارۋپول دەگەن سياقتى ونداعان قالالار بار. رەسەي باسىپ العان جەرلەرىن قايتارا ما؟
24. رەسەي اتوم قارۋىن ەشقاشان ۋكاينادا قولدانبايدى. ونىڭ تەك ءبىر كوزدەگەنى بار، مۇحيتتىڭ ارعى بەتىندەگى اقش-قا قوددانۋ. ۋكراينا قورعانىس مينيسترلىگىنىڭ دەگەگىنشە 20 مىڭ رەسەي اسكەرى ولگەن. 1 ولگەنگە 3 جارالىنى قوسىڭىز. سوندا 80 مىڭ شىعىن بار رەسەيدە. باتىس كومەك بەرىپ جاتىر ۋكرايانعا. ۋكراينا ەندى جەڭىلە قويماس. رەسەي ءپۋتيندى قۇرتىپ بيلىك اۋىسسا ءبىزدىڭ ەل تاعى ءبىراز ۋاقىت ۇتار.
25. مەنىڭ ويىمشا وسىنداي وسىنداي جاعدايلاردان امان بولۋ ءۇشىن ورتا ازيا ەلدەرى وزدەرى وداق قۇرۋ كەرەك. بىرنەشە تىلدە سويلەيتىن ەۋروپالىقتاردىڭ ءوزى ەۋرووداق قۇرىپ وتىر. ال بىزدە ورتاق تاريح پەن ءتىل بار. ءبىزدىڭ تەڭىزگە شىعاتىن جولىمىز جوق. تەڭىزگە شىعا المايتىنداردىڭ جاعدايى قيىن. ساۋدادا بىرەۋگە تاۋەلدىسىڭ. باستى ماقسات قاۋىپسىزدىكتى قامتاماسىز ەتۋ.
پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket