ۋكراينانىڭ ەنەرگودار قالاسىندا ورنالاسقان ەۋروپاداعى ەڭ ۇلكەن زاپوروجە اتوم ەلەكتر ستانساسىنداعى ءبىرىنشى ەنەرگوبلوكقا رەسەيلىك اسكەرلەر سنارياد اتتى. بۇل تۋرالى “ادىرنا” ۇلتتىق پورتالى “Orda.kz” سايتىنا سىلتەمە جاساپ حابارلايدى.
ۋكراينانىڭ سىرتقى ىستەر ءمينيسترى دميتري كۋلەبا رەسەي اسكەرلەرى قازىر زاپوروجە اتوم ەلەكتر ستانساسىن اتقىلاپ جاتقانىن حابارلادى. ءورت الدەقاشان تۇتانىپ ۇلگەرگەن. ونىڭ ايتۋىنشا، ەگەر ول جارىلىپ كەتسە، ونىڭ سالدارى چەرنوبىل اتوم ەلەكتر ستانساسى اپاتىنان ون ەسە جويقىن بولادى.
بۇل تۋرالى كيەۆ ۋاقىتىمەن 4 ناۋرىز كۇنى ساعات 2.14-تە Telegram جەلىسىندە زاپوروجە اەس ءباسپاسوز قىزمەتىنىڭ وكىلى اندرەي تۋز حابارلادى.
«زاپوروجە اتوم ەلەكتر ستانساسىنداعى ءورت جالعاسۋدا. ءورت سوندىرۋشىلەردىڭ ءورت ورنىنا جەتىپ، زارداپتارىن جويۋى مۇمكىن ەمەس. ولار وق اتۋدا! ءبىرىنشى ەنەرگوبلوكتا سوققى جاسادى» دەدى ول ۆيدەوحابارلامادا.
