بەلگورودتاعى مۇناي بازاسىنان ءورت شىقتى

1843
Adyrna.kz Telegram
فوتو:  "بەلگورود № 1" تەلەگرام-پاراقشاسىنان
فوتو: "بەلگورود № 1" تەلەگرام-پاراقشاسىنان

بەلگورودتاعى مۇناي بازاسىندا ءورت شىقتى، زارداپ شەككەندەر تۋرالى ازىرگە اقپارات جوق. بۇل تۋرالى جۇما كۇنى بەلگورود وبلىسىنىڭ گۋبەرناتورى ۆياچەسلاۆ گلادكوۆ ءوزىنىڭ Telegram-كانالىندا جازدى، دەپ حابارلايدى “ادىرنا” ۇلتتىق پورتالى.

"بەلگورود قالاسىنداعى مۇناي بازاسىندا ءورت بولدى. وقيعا ورنىنا بارلىق توتەنشە جاعدايلار قىزمەتى اتتاندى. ونى جويۋ شارالارى جۇرگىزىلۋدە. سەبەپتەر مەن زارداپ شەككەندەر بار بولسا، ەگجەي-تەگجەيلى مالىمەتتەر ءسال كەيىنىرەك حابارلانادى", - دەدى ول.

بەلگورود مەرى انتون يۆانوۆ ءوزىنىڭ Telegram-كانالىندا وقيعا ورنىنا ءوزى دە بارعانىن جازدى.

كەيىن ۆياچەسلاۆ گلادكوۆ ءوزىنىڭ Telegram-كانالىندا ەكى ادامنىڭ جارالانعانىن حابارلادى.

"زارداپ شەككەندەر بار. ەكى ادام. بۇل مۇناي بازاسىنىڭ جۇمىسشىلارى. ولارعا العاشقى مەديتسينالىق كومەك كورسەتىلدى، ومىرلەرىنە ەش قاۋىپ ءتونىپ تۇرعان جوق. پوچتوۆايا، ماكارەنكو جانە كونستانتين زاسلونوۆ كوشەلەرىنىڭ تۇرعىندارىن قاۋىپسىز جەرگە كوشىرۋدى باستاپ جاتىرمىز", - دەپ جازدى گۋبەرناتور.

بۇل كوشەلەردىڭ قيىلىسىنا جاقىن جەردە كوپتەگەن تۇرعىن ۇيلەر، الەۋمەتتىك نىساندار، اتاپ ايتقاندا، بالاباقشالار، بىرقاتار قويمالار ورنالاسقان.

بۇعان دەيىن بەلگورود وبلىسىنداعى جۋراۆلەۆكا اۋىلىندا بىرنەشە جارىلىس بولعان. وقيعا سالدارىنان ەشكىم زارداپ شەككەن جوق. رەسەي فەدەراتسياسىنىڭ تەرگەۋ كوميتەتىنىڭ مالىمەتىنشە، بۇعان ۋكراينا اۋماعىنان ۇشىرىلعان سناريادتىڭ جارىلۋى سەبەپ بولعان.

«ادىرنا» ۇلتتىق پورتالى

پىكىرلەر