Belgorodtaǧy mūnai bazasynda ört şyqty, zardap şekkender turaly äzırge aqparat joq. Būl turaly jūma künı Belgorod oblysynyŋ gubernatory Viacheslav Gladkov özınıŋ Telegram-kanalynda jazdy, dep habarlaidy “Adyrna” ūlttyq portaly.
"Belgorod qalasyndaǧy mūnai bazasynda ört boldy. Oqiǧa ornyna barlyq tötenşe jaǧdailar qyzmetı attandy. Ony joiu şaralary jürgızılude. Sebepter men zardap şekkender bar bolsa, egjei-tegjeilı mälımetter säl keiınırek habarlanady", - dedı ol.
Belgorod merı Anton İvanov özınıŋ Telegram-kanalynda oqiǧa ornyna özı de barǧanyn jazdy.
Keiın Viacheslav Gladkov özınıŋ Telegram-kanalynda ekı adamnyŋ jaralanǧanyn habarlady.
"Zardap şekkender bar. Ekı adam. Būl mūnai bazasynyŋ jūmysşylary. Olarǧa alǧaşqy medisinalyq kömek körsetıldı, ömırlerıne eş qauıp tönıp tūrǧan joq. Pochtovaia, Makarenko jäne Konstantin Zaslonov köşelerınıŋ tūrǧyndaryn qauıpsız jerge köşırudı bastap jatyrmyz", - dep jazdy gubernator.
Būl köşelerdıŋ qiylysyna jaqyn jerde köptegen tūrǧyn üiler, äleumettık nysandar, atap aitqanda, balabaqşalar, bırqatar qoimalar ornalasqan.
Būǧan deiın Belgorod oblysyndaǧy Juravlevka auylynda bırneşe jarylys bolǧan. Oqiǧa saldarynan eşkım zardap şekken joq. Resei Federasiiasynyŋ Tergeu komitetınıŋ mälımetınşe, būǧan Ukraina aumaǧynan ūşyrylǧan snariadtyŋ jaryluy sebep bolǧan.
«Adyrna» ūlttyq portaly
