جامبىل وبلىسىندا دەمالىس ايماعىنان ءورت شىقتى

2302
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

جامبىل وبلىسىنداعى مەركى اۋدانىنىڭ مەركى اۋىلىنان 14 شاقىرىم قاشىقتىقتا ورنالاسقان «تۇران» دەمالىس ايماعى ورتكە وراندى. بۇل تۋرالى جامبىل وبلىستىق توتەنشە جاعدايلار دەپارتامەنتى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

ءورت 20 مامىر كۇنى ساعات 21.56-دا تۇتانعان.

سول ماڭداعى اعاشتان سوعىلعان 4 عيمارات – اكىمشىلىك عيمارات، ءدامحانا جانە ەكى قوناقۇيدى جالىن شارپىعان. وقيعا ورنىندا توتەنشە جاعدايلار دەپارتامەنتىنىڭ 37 قىزمەتكەرى مەن 12 تەحنيكاسى جۇمىلدىرىلىپ، ءورتتى ءسوندىرىپ جاتىر.

ساعات 00.13-تە جالىننىڭ تارالۋى توقتاتىلدى. ءتىلسىز جاۋ شارپىعان اۋماقتىڭ كولەمى انىقتالىپ جاتىر.

ايتا كەتەيىك، جىل بويى قىزمەت كورسەتەتىن «تۇران» دەمالىس ايماعى قىرعىز الاتاۋىنىڭ باۋرايىندا، تەڭىز دەڭگەيىنەن 750 مەتر بيىكتىكتە، مەركى شاتقالىندا ورنالاسقان.

پىكىرلەر