سەمەي پوليتسەيلەرى اعىلشىن كۋرسى كابينەتىنەن 11 كەلىدەن استام ەسىرتكى تاركىلەدى. بۇل تۋرالى Polisia.kzسايتىنا جاريالادى، دەپ حابارلايدى “ادىرنا” ۇلتتىق پورتالى.
ناۋرىزدىڭ باسىندا سەمەي قالاسى پب ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى ەسىرتكى قۇرالدارىنىڭ زاڭسىز اينالىمىنا قاتىسى بار دەگەن كۇدىكپەن سەمەي قالاسىنىڭ ءبىلىم بەرۋ ورتالىقتارىنىڭ ءبىرىنىڭ اعىلشىن ءتىلى كابينەتىندە الماتى قالاسىنىڭ 36 جاستاعى تۇرعىنىن ۇستاعان.
"وقۋ بولمەسىنە ءتىنتۋ جۇرگىزۋ بارىسىندا وسىمدىك تەكتەس جاسىل ءتۇستى زات سالىنعان پوليەتيلەن قاپشىققا ورالعان كارتون قوراپ تابىلدى. ساراپتاما قورتىندىسىنا سايكەس، تاركىلەنگەن زات كەپتىرىلگەن ماريحۋانا بولىپ شىقتى. جالپى سالماعى 11 كەلىدەن اسادى", - دەلىنگەن حابارلامادا.
دەرەككە قاتىستى قر قك-ءنىڭ 297-بابى 3-بولىگى ("ەسىرتكى زاتتاردى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ") بويىنشا سوتالدى تەرگەۋ باستالعان. بۇل باپتىڭ سانكتسياسى 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسىن كوزدەيدى.
“ادىرنا” ۇلتتىق پورتالى
