ورمان ءورتىن ءوشىرۋ بارىسىندا قىرشىن كەتكەن جاس ينجەنەردى اقىن اعاسى جوقتادى

2522
Adyrna.kz Telegram
سەمەيلىك اقىن مەرەي قارت اباي وڭىرىندەگى ءورتى ءوشىرۋ بارىسىندا ەرلىكپەن قازا تاپقان باۋىرى، كۇللى قازاقتىڭ ەر پەرزەنتى جايلى جازبا جاريالاپ، ەلى ءۇشىن وتقا تۇسكەن ازاماتتى جوقتادى، دەپ حابارلايدى "ادىرنا" ۇلتتىق پورتالى.
اباي وڭىرىندەگى قىلقان جاپىراقتى ورماندى شارپىعان ءورت سالدارىنان جاس ينجەنەر، تۇتاس ەلىنىڭ پەرزەنتى توقتاسىنوۆ سەرىكجان باقىتبەكۇلى قاپيادا قازا تاپتى. ورتى تولماس قازا حاقىندا اقىن مەرەي قارت جازدى:
- باقۇل بول، باتىر باۋىرىم!
سەمەي ورمان شارۋاشلىعىنىڭ ينجەنەرى توقتاسىنوۆ سەرىكجان باقىتبەكۇلى (1996-2023) —سەمەي ورمانى ءورتىن ءوشىرۋ بارىسىندا دۇنيەدەن ءوتتى.
ۇلى ناعاشىمىز باقىتبەك اعانىڭ جالعىز ۇلى ەدى! جانىڭ پەيىشتىڭ نۇرىندا شالقىسىن! ەلگەزەك ەدىڭ، ەل ءۇشىن وتقا ءتۇستىڭ، ەسىمىڭ مەن ەرلىگىڭ ماڭگى ەسىمىزدە قالادى! - دەپ جازدى قالامگەر.
قىرشىن كەتكەن ازاماتتىڭ قاپياداعى قازاسى قالىڭ ەلدىڭ قابىرعاسىن قايىستىردى. ەبىل-دەبىل كوزىنە جاس الىپ، كوڭىل بوساتىپ جاتقان جۇرتتا ەسەپ جوق.
سىزدەرگە "وتانى ءۇشىن وتقا تۇسكەن" ازامات-ەردىڭ جەكە مۇراعاتىنان فوتو-ۆيدەولار ۇسىنامىز.
ەسكە سالا كەتەيىك، توتەنشە جاعدايلار مينيسترلىگى ورتكە قارسى قىزمەت كوميتەتىنىڭ توراعاسى نۇربولات دەربىسوۆ Jibek Joly تەلەارناسىنا بەرگەن سۇحباتىندا سەمەيدەگى ورمان ءورتىن ءسوندىرىپ ءجۇرىپ مەرت بولعانداردىڭ كىم ەكەنى ءالى انىقتالماعانىن ايتتى. الاپات الاۋعا اۋىزدىق سالۋ جۇمىستارى جالعاسىپ جاتىر.
"ادىرنا" ۇلتتىق پورتالى
پىكىرلەر