سەمەيدە وقۋشى قىزداردىڭ توبەلەسىنە قاتىستى تەكسەرىس باستالدى، دەپ حابارلايدى "ادىرنا" ۇلتتىق پورتالى.
بازار ماڭىندا جينالىپ، توبەلەسكەن جاسوسپىرىمدەردىڭ اتا-انالارى جاۋاپكەرشىلىككە تارتىلۋى مۇمكىن.
وقيعاعا قاتىستى پوليتسيا ءمان-جايدى انىقتاپ جاتىر. ۆيدەو الەۋمەتتىك جەلىدە تاراپ، رەزونانس تۋدىردى.
7-8 سىنىپتىڭ قىزدارى توپ بولىپ جينالىپ، قاتارلاستارىمەن توبەلەسكەن. قالالىق ءبىلىم ءبولىمىنىڭ باسشىلىعى قىزلار اراسىنداعى توبەلەس ساباقتان تىس ۋاقىتتتا بولعانىن ايتادى.
“سەمەي قالاسىنىڭ "جانسايا" بازارى ماڭىندا ەكى مەكتەپتىڭ 7-8 سىنىپ قىزدارى اراسىندا ورىن العان جانجال تۋرالى اقپارات الەۋمەتتىك جەلىدە شىقتى. بۇل وقيعا ساباقتان تىس ۋاقىتتا ورىن الدى. قازىرگى تاڭدا تەرگەۋ امالدارى جۇرگىزىلۋدە. قاتىسۋشىلار مەن ولاردىڭ زاڭدى وكىلەرى، سوداي-اق ءبىلىم بەرى مەكەمەلەرىنىڭ وكىلدەرى ءتيىستى قۇقىق قورعاۋ ورگاندارىنا تۇسىنىكتەمە بەردى. ۆيدەونى الەۋمەتتىك جەلىدە جاريالاعان وقۋشىنىڭ زاڭدى وكىلدەرىنە قر قولدانىستاعى زاڭناماسىنا سايكەس ايىپپۇل سالدى”، – دەيدى سەمەي قالاسى ءبىلىم ءبولىمىنىڭ مىندەتىن اتقارۋشىسى ماكيا ءامىرحانوۆا.
