شىعىس قازاقستان وبلىسىندا ۇلتتىق قاۋىپسىزدىك كوميتەتى پروكۋراتۋرا ورگاندارىمەن بىرلەسىپ ەسىرتكى زەرتحاناسىن جويدى، دەپ حابارلايدى «ادىرنا» ءتىلشىسى.
وپەراتسيا بارىسىندا قازاقستاننىڭ ەكى ازاماتى قىلمىس جاسادى دەگەن كۇدىكپەن ۇستالىپ، سوت سانكتسياسىمەن قاماۋعا الىنعان. ءتىنتۋ كەزىندە 240 ليتردەن استام پسيحوتروپتىق زات، 2 توننا پرەكۋرسور، سونداي-اق ەسىرتكى دايىنداۋعا ارنالعان زەرتحانالىق جابدىق تاركىلەنگەن.
قازىر اتالعان فاكتى بويىنشا قىلمىستىق كودەكستىڭ 297-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى.
ۇقساس جاڭالىقتار
