ەلوردادا سىرا كافەسىنە كەلۋشىلەرگە گاشيش ساتقان، دەپ حابارلايدى "ادىرنا" ءتىلشىسى.
نۇر-سۇلتان قالاسىنىڭ پوليتسيا قىزمەتكەرلەرى “دارمەك” جەدەل الدىن الۋ ءىس-شاراسى اياسىندا قالا اۋماعىندا اسا ءىرى مولشەردە ەسىرتكى زاتتارىن وتكىزۋدىڭ جولىن كەستى.
ەلوردا كافەلەرىنىڭ بىرىندە بۇرىن ەسىرتكى قىلمىسى ءۇشىن سوتتالعان 44 جاستاعى اكىمشى ۇستالدى. ول سىرانى ساتۋمەن اينالىسقان بولىپ، ءوز مەكەمەسىندە ەسىرتكىلىك ءشوپتى ساتقان.
كافەنى ءتىنتۋ كەزىندە قوراپتان گاشيش سالىنعان پاكەت انىقتالدى. پاكەتتە ساتۋعا دايىندالعان گاشيش سالىنعان 30 پوليەتيلەندى وراما تابىلدى.
"ارنايى وپەراتسيا جۇرگىزۋ كەزىندە تاركىلەنگەن ەسىرتكىنىڭ جالپى سالماعى 1 كەلى 600 گرامنان استام گاشيشتى قۇرادى. ۇستالعان ازامات كىناسىن مويىندادى. قر قك 297-بابى 3-بولىگى "ەسىرتكى قۇرالدارىن، پسيحوتروپتىق زاتتاردى اسا ءىرى مولشەردە زاڭسىز ساتىپ الۋ، ساقتاۋ، تاسىمالداۋ نە وتكىزۋ" بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتى پد ۋاقىتشا ۇستاۋ يزولياتورىنا قامالدى. ەلوردا اۋماعىندا ەسىرتكى جەتكىزۋگە جانە وتكىزۋگە قاتىسى بار تۇلعالار انىقتالۋدا",-دەيدى ەققىب باستىعىنىڭ مىندەتىن اتقارۋشى ەركەش قالىقوۆ.
