الماتى وبلىسىنىڭ ورتالىعىندا 29 ناۋرىز كۇنى، ساعات 16:00 شاماسىندا قاتتى جەل تۇردى. ارتى نوسەر جاڭبىرعا ۇلاسقان تابيعي قۇبىلىستىڭ ناتيجەسىندە عيماراتتاردىڭ شاتىرلارىنىڭ بۇزىلۋى، اعاشتاردىڭ قۇلاۋى، ەلەكتر سىمدارى جەلىسىنىڭ ءۇزىلۋى جانە ت. ب. فاكتىلەرى تىركەلدى. بۇل تۋرالى
«Jetisy Media» الاڭىندا وتكەن ءباسپاسوز ءماسليحاتىندا الماتى وبلىسى تجد وكىلى مالىمدەدى، دەپ حابارلايدى “ادىرنا” ۇلتتىق پورتالى.
وتكەن جويقىن داۋىلدان وڭىردەگى 10-كوپپاتەرلى تۇرعىن ءۇي، 21 - ءبىلىم بەرۋ نىسانى، 2 - ساۋدا وبەكتىسى، 5 - وندىرىستىك نىسان، 10 – اكىمشىلىك عيمارات، 11 - تجب، 1 - ءدىني وبەكت، 2 - دەنساۋلىق ساقتاۋ مەكەمەسى، 1-مۇ وبەكتىسى، 1-اۋىل شارۋاشىلىعى وبەكتىسى، 2- قىزمەت كورسەتۋ نىسانىنا زالال كەلدى. سونداي-اق، جالپى اۋدانى 15408,5 ش.م. 66 شاتىردىڭ جابىنى ۇشىپ ءتۇستى. قولايسىز اۋا-رايىنىڭ سالدارىنان 3 اۆتوكولىك زارداپ شەكسە، ەڭبەكشىقازاق اۋدانىندا 1 ادام جاراقات الدى.
كەنەتتەن ورىن العان تابيعي قۇبىلىستىڭ كەسىرىنەن 83 ەلدى مەكەندەگى ەلەكتر ەنەرگياسى اجىراتىلعان. بۇگىندە 76 ەلدى مەكەندە ەلەكتر ەنەرگياسى قالپىنا كەلتىرىلدى. قالعان 7 ەلدى مەكەندە (1651 ابونەنت ەلەكتر ەنەرگياسىنسىز قالادى) اۆاريالىق بريگادالار جوندەۋ-قالپىنا كەلتىرۋ جۇمىستارىن جۇرگىزەدى. ولار:
–تالدىقورعان ق. (2 ۋچاسكە) - ءۇيتاس، پريگورودنوە (470 ابونەنت)
- الاكول اۋدانى (1 ۋچاسكە) – بەسكول اۋىلى (291 ابونەنت)
- تەكەلى ق. (1 ۋچاسكە) – ش / ا. ماتاللۋرگ (60 ابونەنت)
- كەربۇلاق اۋدانى (3 ۋچاسكە) – شانحاناي اۋىلى، قىزىلمەكتەپ اۋىلى، شاعان اۋىلى (830 ابونەنت). كۇن ىشىندە ەلەكترمەن جابدىقتاۋ قالپىنا كەلتىرىلەدى.
«اۋا-رايىنىڭ ناشارلاۋىنا بايلانىستى (قاتتى جەل) 29.03.2022 جىلى الماتى وبلىسى تجد-دا تابيعي سيپاتتاعى توتەنشە جاعدايلارعا جەدەل ارەكەت ەتۋ ءۇشىن جەدەل شتاب قۇرىلدى. شتاب وبلىستىق ازاماتتىق قورعاۋ قىزمەتتەرىمەن تىعىز ءوزارا ءىس-قيمىل ورناتتى. قاتتى جەلدىڭ سالدارىن جويۋ بويىنشا بارلىق حابارلامالار تجد جانە جاو كۇشىمەن دەرەۋ پىسىقتالدى»، - دەدى توتەنشە جاعدايلاردى جويۋ باسقارماسىنىڭ باستىعى، ازاماتتىق قورعاۋ مايورى رينات كارانداشەۆ.
ايتا كەتەيىك، وبلىس ورتالىعىنداعى زالال كەلتىرىلگەن نىساندارى شاھار باسشىسى اسەت ماساباەۆ ارالاپ، قالپىنا كەلتىرۋ جۇمىستارىن ەرەكشە باقىلاۋىنا الدى.
”ادىرنا” ۇلتتىق پورتالى
