الماتى وبلىسى، ەڭبەكشىقازاق اۋدانىندا بولعان كەلەڭسىز وقيعادان كەيىن قر بالا قۇقىقتارى جونىندەگى ۋاكىل مەن قمدب ارنايى تۇسىنىك بەردى. سونىمەن قاتار، ەڭبەكشىقازاق اۋدانىنىڭ اكىمشىلىك قىزمەتكەرلەرى، شەلەك اۋىلىنىڭ تۇرعىندارى، ءدىن قىزمەتكەرلەرى، مەشىت جاماعاتى جانە بالانىڭ اتا-اناسىنىڭ قاتىسۋىمەن ارنايى كەزدەسۋ وتكەنى حابارلاندى، دەپ جازادى "ادىرنا" ۇلتتىق پورتالى.
جيىندا "حيدايات" مەشىتىنىڭ يمامى ءوز قاتەلىگىن مويىنداپ، بالانىڭ اتا-اناسىنان، سونداي-اق كوپشىلىكتەن كەشىرىم سۇراعان. بالانىڭ زاڭدى وكىلدەرى يمامنىڭ كەشىرىمىن قابىل الىپ، ەكى تاراپ ءوزارا بىتىمگە كەلگەن.
"قازاقستان مۇسىلماندارى ءدىني باسقارماسى بۇل وقيعادان ءتيىستى قورىتىندى شىعاردى جانە ورەسكەل ارەكەتكە جول بەرگەن ءدىن قىزمەتكەرىنە شارا قولداندى. باس ءمۇفتيدىڭ بۇيرىعىمەن "حيدايات" مەشىتىنىڭ يمامى جۇمىستان شىعارىلدى. الداعى ۋاقىتتا وسىنداي كەلەڭسىز وقيعالار ورىن الماس ءۇشىن، وزگە يمامدارمەن ءتيىستى ءتۇسىندىرۋ جۇمىستارى جۇرگىزىلىپ جاتىر", - دەدى قمدب-نىڭ الماتى وبلىسى بويىنشا وكىلدىگى.
ال قر بالا قۇقىقتارى جونىندەگى ۋاكىل دينارا زاكيەۆا مۇنداي جاعدايدى ەشقانداي دا كەشىرىممەن اقتاپ الۋعا بولمايتىنىن ايتتى.
- الماتى وبلىسىندا يمامنىڭ ناماز كەزىندە كىشكەنتاي بالانى قولىمەن قاعىپ جىبەرگەنىنە قاتىستى بۇل كەشىرۋگە بولمايتىن قاتىگەز ارەكەت 24 ءساۋىر كۇنى ورىن العان. ۆيدەو تەك قازىر عانا پايدا بولىپ، بۇل ادامعا قاتىستى قىلمىستىق ءىس تىركەلدى. وسى جاعدايعا قاتىستى باس ءمۇفتي ناۋرىزباي قاجىمەن سويلەستىم، قاتىگەزدىك تانىتقان ادام بۇگىن جۇمىستان بوساتىلدى. ونىڭ يمام ەكەنىنە كەلەر بولساق، نەگىزى يسلامدا ايەلدەرگە، بالالارعا قۇرمەتپەن قاراۋ جانە قامقور بولۋعا قاتىستى كوپتەگەن حاديس مەن اياتتار بار. مىسالى، مۇحاممەد پايعامبار (س.ع.س) «ونىڭ نەمەرەسى ناماز كەزىندە ونىڭ باسىنا وتىرعان كەزدە، ساجدەدەن باسىن كوتەرمەگەن». قاتىگەزدىك پەن زورلىق-زومبىلىققا توزبەۋشىلىك مادەنيەتىن ءبىز وسىلاي عانا قالىپتاستىرا الامىز، - دەدى زاڭدى وكىل.
ەسكە سالا كەتەيىك، الەۋمەتتىك جەلىدە يمامنىڭ ناماز كەزىندە كىشكەنتاي بالانى ەپتى قولىمەن قاعىپ جىبەرىپ، سۇلاتىپ تۇسىرگەن" ۆيدەو تارادى. ۆيدەو اۆتورىنىڭ ايتۋىنشا، وقيعا الماتى وبلىسى ەڭبەكشىقازاق اۋدانىنداعى شەلەك اۋىلىندا بولعان.
"ادىرنا" ۇلتتىق پورتالى
