الماتى وبلىسىندا وتىز مىڭنان استام تۇرعىنى بار اۋىلدى تاسقىن سۋ باستى

5078
Adyrna.kz Telegram
الماتى وبلىسىندا ورنالاسقان ۇزىناعاش اۋىلىندا 50 شاقتى ءۇيدىڭ اۋلاسىن سۋ باستى. تاسقىنى قاتتى اعىن سۋ جاڭبىر مەن ەرىگەن قار ەسەبىنەن ۇلعايىپ ونداعان كوشەنى شايدى. ءتىپتى كەي باسپانالاردىڭ ىشىنە دە كىرگەن، دەپ "ادىرنا" ۇلتتىق پورتالى.  

تولاسسىز جاۋعان جاڭبىر مەن ەرىگەن قار سۋىنىڭ سويقانىنان سەكەم العان تۇرعىندار باسپانالارىن تاسقاپ قاشقان. اۋىل ازاماتتارى  امالدىڭ جوقتىعىنان قولدان جاسالعان جول سۇرلەۋىمەن ءجۇرىپ-تۇرۋعا ءماجبۇر. قىزىل سۋ، ءتىپتى، ۇيلەرگە كىرگەن.

تاسقىن سۋدىڭ بەتالىسىن بارلاپ، بارىسىن اۋدان اكىمىنىڭ ورىنباسارى باياندادى:

- جاعدايدى قالىپقا كەلتىرۋگە اۋداندىق تجب ماماندارى مەن اسكەريلەردى قوسا العاندا 30 ادام جانە 8 تەحنيكا جۇمىلدىرىلعان. بىراق، بۇل 30 مىڭنان استام حالقى بار ۇزىناعاشتى قىزىل سۋدان ارىلتۋعا جەتكىلىكسىز. «سوندىقتان باسپانالارى مەن اۋلالارىن سۋ شايعان تۇرعىندار تاعى بىرنەشە كۇن كۇتۋى كەرەك»، - دەدى اۋدان اكىمىنىڭ ورىنباسارى.

ونىڭ بىرنەشە سەبەبى بار. تەحنيكا تىزگىندەگەن جاۋاپتى ماماندار تاۋدان  اۋىلعا قاراي جىلعالانىپ اققان سۋدىڭ باعىتىن بۇرۋمەن اۋرەلەنىپ جاتىر.

qazaqstan.tv-ءدىڭ حابارلاۋىنشا، ۇزىناعاشتا اعىندى سۋعا ارنالعان 30-دان استام ارىق بار. ارىقتاردىڭ دەنى كۇل-قوقىسپەن بىتەلىپ قالعان. قازىر 5 ناسوسپەن اۋىلداعى سۋدى سورعىزۋ جۇمىستارى ءجۇرىپ جاتىر. تۇرعىندارعا كەلگەن شىعىن ءالى ەسەپتەلمەگەن، ال زارداپ شەككەندەردىڭ مۇلكى وتەلە، وتەلمەي مە ول جاعى دا ازىرگە بەلگىسىز.

"ادىرنا" ۇلتتىق پورتالى 

 

 

 

پىكىرلەر