Almaty oblysynyń ortalyǵynda 29 naýryz kúni, saǵat 16:00 shamasynda qatty jel turdy. Arty nóser jańbyrǵa ulasqan tabıǵı qubylystyń nátıjesinde ǵımarattardyń shatyrlarynyń buzylýy, aǵashtardyń qulaýy, elektr symdary jelisiniń úzilýi jáne t. b. faktileri tirkeldi. Bul týraly
«Jetisy Media» alańynda ótken baspasóz máslıhatynda Almaty oblysy TJD ókili málimdedi, dep habarlaıdy “Adyrna” ulttyq portaly.
Ótken joıqyn daýyldan óńirdegi 10-kóppáterli turǵyn úı, 21 - bilim berý nysany, 2 - saýda obektisi, 5 - óndiristik nysan, 10 – ákimshilik ǵımarat, 11 - TJB, 1 - dinı obekt, 2 - densaýlyq saqtaý mekemesi, 1-MU obektisi, 1-aýyl sharýashylyǵy obektisi, 2- qyzmet kórsetý nysanyna zalal keldi. Sondaı-aq, jalpy aýdany 15408,5 sh.m. 66 shatyrdyń jabyny ushyp tústi. Qolaısyz aýa-raıynyń saldarynan 3 avtokólik zardap shekse, Eńbekshiqazaq aýdanynda 1 adam jaraqat aldy.
Kenetten oryn alǵan tabıǵı qubylystyń kesirinen 83 eldi mekendegi elektr energııasy ajyratylǵan. Búginde 76 eldi mekende elektr energııasy qalpyna keltirildi. Qalǵan 7 eldi mekende (1651 abonent elektr energııasynsyz qalady) avarııalyq brıgadalar jóndeý-qalpyna keltirý jumystaryn júrgizedi. Olar:
–Taldyqorǵan q. (2 ýchaske) - Úıtas, Prıgorodnoe (470 abonent)
- Alakól aýdany (1 ýchaske) – Beskól aýyly (291 abonent)
- Tekeli q. (1 ýchaske) – sh / a. Matallýrg (60 abonent)
- Kerbulaq aýdany (3 ýchaske) – Shanhanaı aýyly, Qyzylmektep aýyly, Shaǵan aýyly (830 abonent). Kún ishinde Elektrmen jabdyqtaý qalpyna keltiriledi.
«Aýa-raıynyń nasharlaýyna baılanysty (qatty jel) 29.03.2022 jyly Almaty oblysy TJD-da tabıǵı sıpattaǵy tótenshe jaǵdaılarǵa jedel áreket etý úshin jedel shtab quryldy. Shtab oblystyq Azamattyq qorǵaý qyzmetterimen tyǵyz ózara is-qımyl ornatty. Qatty jeldiń saldaryn joıý boıynsha barlyq habarlamalar TJD jáne JAO kúshimen dereý pysyqtaldy», - dedi Tótenshe jaǵdaılardy joıý basqarmasynyń bastyǵy, Azamattyq qorǵaý maıory Rınat Karandashev.
Aıta keteıik, oblys ortalyǵyndaǵy zalal keltirilgen nysandary shahar basshysy Áset Masabaev aralap, qalpyna keltirý jumystaryn erekshe baqylaýyna aldy.
”Adyrna” ulttyq portaly
