الماتى وبلىسىنداعى كوسموس اۋىلىندا جەكە ۇيلەردىڭ بىرىندە ءورت شىعىپ، زەينەتكەر مەن ونىڭ ەكى نەمەرەسى كوز جۇمدى. بۇل تۋرالى الماتى وبلىسى توتەنشە جاعدايلار دەپارتامەنتى مالىمدەدى، دەپ حابارلاتسدى “ادىرنا” ۇلتتىق پورتالى.
قازىر ءورتتىڭ شىعۋ سەبەبى انىقتالىپ جاتىر.
مالىمەت بويىنشا، تۇنگى ۋاقىتتا جەرگىلىكتى تۇرعىندار جەكە ۇيلەردىڭ ءبىرى ورتەنىپ جاتقانىن حابارلاعان.
“وقيعا ورنىنا كەلگەن قىزمەتكەرلەر 90 شارشى مەتر اۋماقتىڭ ورتەنگەنىن كوردى. ءۇيدى 8 ادامنان تۇراتىن وتباسى پانالاعان جانە 2021 جىلدان بەرى جالعا الىپ كەلگەن”، – دەدى ۆەدومستۆو وكىلدەرى.
ءورت ءسوندىرۋ كەزىندە 1960 جىلى تۋعان ايەل مەن 2018 جانە 2019 جىلدارى تۋعان بالالاردىڭ ءمايىتى تابىلعان. ەسىك قالاسىنىڭ ورتالىق اۋداندىق اۋرۋحاناسىنا بالالاردىڭ اناسى، ونىڭ كۇيەۋى، ۇلى مەن ەكى كورشىسى جەتكىزىلگەن.
قازىر بۇل جاعداي بويىنشا قىلمىستىق كودەكستىڭ 292-بابى 3-بولىگى بويىنشا تەرگەۋ ءجۇرىپ جاتىر.
