كاسىپكەر الماس ابدىعاپپاروۆ: مەنى بولات نازارباەۆتىڭ ادامدارى قاماتتى

1607

Parmigiano Group مەيرامحانالار جەلىسىنىڭ نەگىزىن قالاۋشى، Esentai City جوباسىنىڭ اۆتورى الماس ابدىعاپپاروۆ Orda.kz سايتىنا ەكسكليۋزيۆتى سۇحبات بەردى، دەپ جازادى "ادىرنا" ۇلتتىق پورتالى. 

الماس ابدىعاپپاروۆتىڭ قاماۋدا وتىرعانىنا سەگىز اي بولدى. ول ءوزى جەتەكشىلەرىنىڭ ءبىرى بولعان كومپانيادان 420 ميلليون تەڭگە ۇرلادى دەگەن كۇدىككە ءىلىندى. قىلمىستىق ءىس ەسەنتاي سيتيدەگى قىمبات ۆيللانىڭ ساتىلۋىنا قاتىستى، الدىن الا تاراعان مالىمەت بويىنشا، ابدىعاپپاروۆ كليەنتتەن اقشانى، دالىرەك ايتساق 840 ميلليون تەڭگەنى العانىمەن، كومپانيانىڭ كاسساسىنا اقشانىڭ جارتىسى عانا تۇسكەن.

ابدىعاپپاروۆقا ارىزدى ونىڭ جيەنى، «AV Construction» جشس ديرەكتورى راۋان باباەۆ جازعان. بىراق كاسىپكەر وزىنە تاعىلعان ايىپتاردىڭ بارلىعىن جوققا شىعارىپ، قىلمىستىق ءىستى ابدىعاپپاروۆ بولات نازارباەۆتىڭ كومەكشىسى دەپ اتايتىن سەرىكتەسى ەلدوس قوسپاەۆتىڭ تاپسىرىسى بويىنشا قوزعالعان دەپ سانايدى. ال قىلمىستىق قۋدالاۋدىڭ ماقساتى، ونىڭ ايتۋىنشا، ونىڭ بيزنەستەگى ۇلەسىن رەيدەرلىك جولمەن تارتىپ الۋ.

ابدىعاپپاروۆتىڭ وتىنىشىنەن 420 ميلليون تەڭگە ونىڭ اناسىنا بەرىلگەن «AV Construction» جشس اكتسيالارىنىڭ 35 پايىزىن ساتۋ ءۇشىن الدىن الا تولەم بولعانى بەلگىلى بولدى.

Orda.kz ءتىلشىسىنىڭ قويعان سۇراقتارىنا ادىعاپپاروۆ بىلاي جاۋاپ بەردى:

– ءسىز بۇل وقيعانى اناڭىزعا تىركەلگەن «AV-Construction» جشس-دەگى 25 پايىزدىق ۇلەسىڭىزدى رەيدەرلەردىڭ باسىپ الۋى دەپ ەسەپتەيسىز. ۇيىمداستىرۋشى كىم دەپ ويلايسىز؟

– ءيا، بۇل انىق رەيدەرلىك ءىس. 25 پايىزدىق ۇلەستى باسىپ الۋدى ەلدوس قوسپاەۆ ۇيىمداستىردى. ونىڭ شەشىمدەرىنسىز كومپانيادا ەشتەڭە جاسالمايدى. ونىڭ ادامدارى كومپانياداعى بارلىق نەگىزگى قىزمەتتەردە. بىراق، ەڭ قىزىعى، 5 قازانداعى ءبىزدىڭ مالىمدەمەدەن كەيىن بىردەن 25 پايىزدىق ۇلەس ءبىر ەرلان اقانوۆقا ءوتىپ كەتكەن. بۇل رەتتە جۇرتتىڭ ءبارى اكتسيانىڭ اسقاربەككە بەرىلگەنىن ايتا بەرەدى.

اقانوۆتىڭ ەلدوس قوسپاەۆتىڭ سەنىمدى ادامى ەكەنىن دە انىقتادىق. «ەسەنتاي سيتي» جانە «اۆ-كونستراكشن» جشس-ءنىڭ ساتۋ ءبولىمى، سونىمەن قاتار قوسپاەۆتىڭ باسقا دا كومپانيالارى ورنالاسقان كەڭسەنى قوسپاەۆتىڭ اعاسى ايدوس اقانوۆقا ناقتى قۇنىنان 20 ەسە ارزانعا ساتىپ جىبەرگەن.

– ءسىز ۇرلادى دەپ ايىپتالىپ وتىرعان 420 ميلليون تەڭگەگە جۋىق قاراجات. ءوزىڭىز ايتقانداي، بۇل اكتسيانىڭ 10 پايىزىن ساتۋ ءۇشىن الدىن الا تولەم بولدى. نەلىكتەن قۇندىز نازارباەۆا ۇلەستى قايتا تىركەۋ ءۇشىن قۇرىلتايشىلاردان كەتكەنشە كۇتۋ كەرەك بولدى؟ بۇل نەمەن بايلانىستى، سىزگە ءتۇسىندىردى مە؟ ولار سول كەزدە ءسىزدىڭ ۇستىڭىزدەن قىلمىستىق ءىس قوزعالاتىنىن ءبىلىپ، بۇل تەرگەۋمەن نازارباەۆتىڭ اتىن بايلانىستىرعىسى كەلمەۋى مۇمكىن بە؟

– تاناشەۆ پەن ابىجانوۆقا 10 پايىز اكتسيا بەرىلدى – ارقايسىسى 5 پايىزدان ۇلەس الادى. ەلدوس ماعان تۇسىندىرگەندەي، ەشقانداي سۇراق تۋىنداماس ءۇشىن  قۇندىز نازارباەۆانىڭ بوساتىلۋىن كۇتۋ كەرەك ەدى. ويتكەنى ولاي بولماعان جاعدايدا ونىڭ بارلىعى نەمەسە ءبىر بولىگى ونىڭ اتىنا اۋدارىلۋى كەرەك ەدى.

قوسپاەۆ بەكزات ۇسەنوۆ پەن قۇندىز نازارباەۆانىڭ كوز الدىندا Esentay City جوباسىن ارقاشان پروبلەمالى جانە ءتيىمسىز دەپ كورسەتتى. بارلىق قايتا تىركەۋدەن وتكەننەن كەيىن ەلدوس ءوز ۇلەسىن باجاسىنا (ايەلىنىڭ اعاسى) تيمۋر تاناشەۆقا بەردى، انام 25 پايىزدى، داستان ابىجانوۆقا 15 پايىزدى قالدىردى. قازىر مەن قۇندىز نازارباەۆانىڭ تيمۋر تاناشەۆ ارقىلى جوباداعى ۇلەسى بار-جوعىن بىلمەيمىن، بىراق مۇنىڭ ءبارىنىڭ ارتىندا ءوزىنىڭ باستىعى بولات نازارباەۆتىڭ ارتىنا شەبەر جاسىرىنىپ، تازا ءوز مۇددەسى ءۇشىن ارەكەت ەتەتىن ەلدوس قوسپاەۆ تۇرعانىنا سەنىمدىمىن. مەن قاماۋعا الىنعاننان كەيىن قوسپاەۆتىڭ جەڭىلدەتىلگەن باعامەن پاتەر ساتىپ الۋ ارقىلى اقشاسىن الۋدى جالعاستىرىپ جاتقانىن بىلەمىن.

– الماتى قالالىق ءىىد باستىعى قانات تايمەردەنوۆ پەن ونىڭ ورىنباسارى رۋستام ءابدىراحمانوۆ ءسىزدى جىبەرەمىز دەپ 4,5 ميلليون دوللار تالاپ ەتكەنى راس پا؟ پوليتسيا بەدەلىن قورعاۋ ءۇشىن سوتقا بەرەمىز دەپ قورقىتتى، ولار بۇل جوسپارلارىن ورىندادى ما؟

مەن ۇستالعان سوڭ بۇل سومانى ەلدوس قوسپاەۆتىڭ تاپسىرماسىن ورىنداپ جۇرگەن تيمۋر تاناشەۆ تالاپ ەتتى. شىندىعىندا، الماتى پوليتسيا دەپارتامەنتى قوسپاەۆقا ونىڭ جوسپارىن جۇزەگە اسىرۋعا كومەكتەسۋدە، ويتكەنى مەنى ەشبىر تۇسىنىكسىز، «تاپسىرىس بويىنشا» دەپ ۇستاعان.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket