2023-2024 وقۋ جىلعى 10-11 سىنىپ وقۋشىلارىنا ارنالعان رەسپۋبليكالىق «التىن تۇلەك» وليمپياداسىنىڭ رەسپۋبليكالىق كەزەڭى ءوز مارەسىنە جەتتى، دەپ حابارلايدى “ادىرنا”.
بيىل «التىن تۇلەك» وليمپياداسىنا 25 000 جۋىق وقۋشى قاتىسىپ، ونىڭ 2 000 جۋىعى رەسپۋبليكالىق كەزەڭدە باقتارىن سىنادى.
رەسپۋبليكالىق كەزەڭى ەلىمىزدىڭ 18 وڭىرىندە جوعارى وقۋ ورىندارىنىڭ بازاسىندا ءوتتى.
وليمپيادا ۇزدىكتەرىنە وبلىستىق «دارىن» ورتالىقتارىمەن بىرلەسە 1, 2, 3 دارەجەلى ديپلومدار تابىستالدى.
سونىمەن قاتار، وليمپيادا جەڭىمپازدارى مەن جۇلدەگەرلەرىنە 19 وتاندىق جوعارى وقۋ ورنى 66 گرانت تاعايىندادى.
بۇعان قوسا، جەڭىمپازدار Alanya Universitesi, Cyprus Science University سەكىلدى شەتەلدىك وقۋ ورىندارىنىڭ 11 گرانتىنا يە بولدى.
