ۆەنگريا بيلىگى «ديپلوماتيالىق مارتەبەگە سايكەس كەلمەيتىن قىزمەتپەن» اينالىستى دەگەن سەبەپپەن رەسەيدىڭ ديپلوماتيالىق وكىلدىگىنىڭ 10 قىزمەتكەرىن ەلدەن شىعارۋ تۋرالى شەشىم قابىلدادى، دەپ حابارلايدى "ادىرنا" ءتىلشىسى DW-عا سىلتەپ.
بۇل تۋرالى 8 قىركۇيەكتە ۆەنگريانىڭ سىرتقى ىستەر ءمينيسترى انيتا وربان ايتتى.
ءمينيستردىڭ ايتۋىنشا، رەسەيلىك ديپلوماتتار ۆەنگريا اۋماعىندا ۆەنا كونۆەنتسياسىنا سايكەس ديپلوماتيالىق مارتەبەگە ساي كەلمەيتىن قىزمەت جۇرگىزگەن. وسىعان بايلانىستى اتالعان تۇلعالاردان ەل اۋماعىنان كەتۋ تالاپ ەتىلگەن.
ۆەنگريا تاراپى بۇل شەشىمدى ەلدىڭ قاۋىپسىزدىگى مەن ەگەمەندىگىن قورعاۋ ماقساتىندا قابىلداعانىن مالىمدەدى.
سونىمەن قاتار سىرتقى ىستەر ءمينيسترى ديپلوماتتاردى ەلدەن شىعارۋ رەسەيمەن ديپلوماتيالىق قاتىناستاردى ءۇزۋدى بىلدىرمەيتىنىن اتاپ ءوتتى. ونىڭ ايتۋىنشا، ەكى ەل اراسىندا ءوزارا قۇرمەت پەن حالىقارالىق ەرەجەلەردى ساقتاۋ نەگىزىندە قاجەتتى ديالوگ جالعاسۋى ءتيىس.
رەسەيلىك مەملەكەتتىك اقپارات قۇرالدارىنىڭ حابارلاۋىنشا، ماسكەۋ ۆەنگريانىڭ بۇل شەشىمىنە جاۋاپ رەتىندە قارسى شارالار قابىلداۋدى قاراستىرىپ جاتىر.
