بۇگىن، 6 ماۋسىمدا رەسەيدىڭ كەمەروۆو وبلىسىندا ەكى ترامۆاي سوقتىعىستى. الدىن الا مالىمەت بويىنشا، ولاردىڭ ءبىرىنىڭ تەجەگىشى ىستەن شىققان. بۇل تۋرالى قالا مەرى دميتري انيسيموۆ ءوزىنىڭ Telegram-ارناسىندا ايتتى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ۆاگونداردىڭ ءبىرى تىزگىنگە يە بولا الماي، رەلس بويىمەن قاتتى جىلدامدىقپەن جۇيىتكىپ, بىرنەشە جولاۋشى سالوننان شىعىپ قۇلاپ كەتكەن. كولىك جىلدامدىقپەن كەلە جاتقان ترامۆايدىڭ ارتقى جاعىنا سوعىلعان. جۇرگىزۋشى قاتتى سوققىدان ىشكە قىسىلىپ قالدى.
وقيعا سالدارىنان 1 ادام قازا تاۋىپ، 90-نان استام ادام زارداپ شەكتى، ونىڭ جەتەۋى بالالار.
دميتري انيسيموۆكەمەروۆوداعى وقيعاعا بايلانىستى جاعدايدى تولىق باقىلاۋدا ۇستايتىن جەدەل شتاب قۇرىلعانىن اتاپ ءوتتى.
“رەسەي فەدەراتسياسىنىڭ تەرگەۋ كوميتەتىنىڭ كەمەروۆو وبلىسى بويىنشا تەرگەۋ باسقارماسى 6 ماۋسىم كۇنى تاڭەرتەڭ كەمەروۆوداعى لوگوۆايا تاس جولىندا جولاۋشىلار بولعان ەكى ترامۆاي سوقتىعىستى دەپ حابارلادى. ولاردىڭ ءبىرى تىزگىنگە يە بولا الماي، كولىكتى جۇرگىزىپ كەلە جاتقان ادامدار كولىك دوڭعالاقتارىنىڭ استىنا قۇلاپ كەتكەن. وقيعا سالدارىنان باستاپقىدا 30-عا جۋىق ادام زارداپ شەكتى. وقيعا بويىنشا قىلمىستىق ءىس قوزعالدى”، دەلىنگەن حابارلامادا.
