پوليتسەيمەن قۇتقارىلعان پاۆلودارلىق ايەل يت شابۋىلىنىڭ كۋاگەرلەرىنىڭ نەمقۇرايلىعىنا تاڭ قالدى، دەپ حابارلايدى "ادىرنا" ۇلتتىق پورتالى Polisia.kz-كە سىلتەمە جاساپ.
پاۆلوداردا 30 تامىزدا تاڭعى ساعات 06:00-دە پوليتسيا اعا لەيتەنانتى بەيبىت جاقىپوۆتى ايەل ادامنىڭ كومەك سۇراعان جان ايقايى وياتتى. پوليتسەي بىردەن تەرەزەگە جۇگىرىپ بارىپ، اياعىن تالاپ جاتقان توبەتتەن قاشىپ، كومەككە شاقىرعان ايەلدى كوردى. بەيبىت تەز كيىنىپ، وزىمەن بىرگە كولىكتىڭ كىلتىن الىپ، كوشەگە شىعىپ كەتەدى. جولدا ول جەردە جاتقان تاياقتى الا جۇگىرەدى.
بەيبىت تەز كيىنىپ، وزىمەن بىرگە كولىكتىڭ كىلتىن الىپ، كوشەگە شىعىپ كەتەدى. جولدا ول جەردە جاتقان تاياقتى الا جۇگىرەدى.
– مەنىڭ كولىگىم اۋلاداعى تۇراققا قويىلعان، ونى تەز ىسكە قوسىپ، وقيعا بولىپ جاتقان ۇيگە بەت الدىم. جاقىنداي كەلە ءيتتىڭ نازارىن اۋدارۋ ءۇشىن سيگنال بەرە باستادىم، بىراق توبەت ءتىپتى نازارىن دا اۋدارمادى. جۇگىرىپ بارىپ، تاياقپەن ءيتتى قۋا جونەلدىم. ايەلگە كوتەرىلۋگە كومەكتەسىپ، ونى يتىمەن بىرگە كولىككە وتىرعىزدىم. اشۋلانعان توبەت ءيتتىڭ مۇرنىنىڭ الدىنا ەسىكتى ارەڭ جاۋىپ ۇلگەردىم. ونى تاياقپەن قۋىپ شىعارۋدى جالعاستىرا وتىرىپ، كولىككە ءوزىم دە وتىرىپ، وقيعا تۋرالى 102-گە حابارلادىم. ايەلگە مەديتسينالىق كومەك كورسەتۋ ءۇشىن اۋرۋحاناعا جەتكىزدىم، ويتكەنى ءيتتىڭ تىستەرىنەن الىنعان قول مەن اياقتارداعى جارالار وتە تەرەڭ بولدى، ول كوپ قان جوعالتتى، – دەدى بەيبىت.
وكسانا بورود سول كۇندەگى وقيعانى قورقىنىشتى ءتۇس رەتىندە ەسكە الادى، سونداي-اق ءالى كۇنگە دەيىن ءتىرى ەكەنىنە سەنبەيدى. ء“وتىپ بارا جاتقان ادامداردىڭ ەشقايسىسى كومەكتەسپەدى. كەيبىر ادامدار بالكوننان نە بولىپ جاتقانىن قاراپ تۇردى”، – دەيدى ول.
– جەكسەنبىنىڭ تاڭى. ادەتتەگىدەي مەن ءوزىمنىڭ ءيتىمدى سەرۋەندەتۋگە شىقتىم. نە بولعانىن بىردەن تۇسىنبەدىم. بىرەۋ مەنى قاعىپ كەتتى، مەن جەرگە قۇلادىم، سودان كەيىن عانا يت ماعان قاراي جۇگىرگەنىن ءتۇسىندىم. ول قولىما، سودان كەيىن اياعىما جابىسىپ الدى. ول مەنىڭ بۋىندارىمدى جىرتىپ، اياعىم مەن قولىمدى قاپتى. مەن دە، مەنىڭ ءيتىم دە زارداپ شەكتى. مەن ايقايلاپ، كومەككە شاقىردىم. ءبىر جىگىت مەنىڭ كومەك سۇراعان ايقايىما كەلىپ، ءيتتى ۇرىپ، قۇتقارا باستادى. مەن تۇك تۇسىنبەدىم، ءبارى تۇمان سياقتى بولدى. ءوز ءومىرى مەن دەنساۋلىعىنا قاۋىپ ءتوندىرىپ، جىگىت ماعان كومەكتەستى. ەگەر ول بولماسا، مەن ءتىرى بولماس ەدىم! وسى وقيعادان كەيىن مەن ءالى كۇنگە دەيىن ءوز-وزىمە كەلۋدەمىن. تەك قازىر مەن قۇتقارۋشىمدى تاپتىم. تەك سوتتا عانا بەيبىت پوليتسيا قىزمەتكەرى ەكەنىن ءبىلدىم. بەيبىت جاقىپوۆقا ەرلىگى مەن باتىلدىعى ءۇشىن ۇلكەن العىسىمدى بىلدىرگىم كەلەدى، – دەپ وكسانا بورود ءوزىنىڭ العىس حاتىندا پاۆلودار وبلىسى پد باستىعى ۆاسيلي سكليارعا جازدى.
ايتا كەتەيىك، جەكە اۋماقتا تىركەۋسىز جۇرگەن، كوشەگە شىعىپ كەتكەن ءيتتىڭ يەسى سول كۇنى قر اقبتك 408-بابى بويىنشا جاۋاپقا تارتىلعان. سونداي-اق، قىز مورالدىق زياندى وتەۋ ءۇشىن سوتقا جۇگىندى.
"ادىرنا" ۇلتتىق پورتالى
