Poliseimen qūtqarylǧan pavlodarlyq äiel it şabuylynyŋ kuägerlerınıŋ nemqūrailyǧyna taŋ qaldy, dep habarlaidy "Adyrna" ūlttyq portaly Polisia.kz-ke sılteme jasap.
Pavlodarda 30 tamyzda taŋǧy saǧat 06:00-de polisiia aǧa leitenanty Beibıt Jaqypovty äiel adamnyŋ kömek sūraǧan jan aiqaiy oiatty. Polisei bırden terezege jügırıp baryp, aiaǧyn talap jatqan töbetten qaşyp, kömekke şaqyrǧan äieldı kördı. Beibıt tez kiınıp, özımen bırge kölıktıŋ kıltın alyp, köşege şyǧyp ketedı. Jolda ol jerde jatqan taiaqty ala jügıredı.
Beibıt tez kiınıp, özımen bırge kölıktıŋ kıltın alyp, köşege şyǧyp ketedı. Jolda ol jerde jatqan taiaqty ala jügıredı.
– Menıŋ kölıgım auladaǧy tūraqqa qoiylǧan, ony tez ıske qosyp, oqiǧa bolyp jatqan üige bet aldym. Jaqyndai kele ittıŋ nazaryn audaru üşın signal bere bastadym, bıraq töbet tıptı nazaryn da audarmady. Jügırıp baryp, taiaqpen ittı qua jöneldım. Äielge köterıluge kömektesıp, ony itımen bırge kölıkke otyrǧyzdym. Aşulanǧan töbet ittıŋ mūrnynyŋ aldyna esıktı äreŋ jauyp ülgerdım. Ony taiaqpen quyp şyǧarudy jalǧastyra otyryp, kölıkke özım de otyryp, oqiǧa turaly 102-ge habarladym. Äielge medisinalyq kömek körsetu üşın auruhanaǧa jetkızdım, öitkenı ittıŋ tısterınen alynǧan qol men aiaqtardaǧy jaralar öte tereŋ boldy, ol köp qan joǧaltty, – dedı Beibıt.Oksana Borod sol kündegı oqiǧany qorqynyşty tüs retınde eske alady, sondai-aq älı künge deiın tırı ekenıne senbeidı. “Ötıp bara jatqan adamdardyŋ eşqaisysy kömektespedı. Keibır adamdar balkonnan ne bolyp jatqanyn qarap tūrdy”, – deidı ol.
– Jeksenbınıŋ taŋy. Ädettegıdei men özımnıŋ itımdı seruendetuge şyqtym. Ne bolǧanyn bırden tüsınbedım. Bıreu menı qaǧyp kettı, men jerge qūladym, sodan keiın ǧana it maǧan qarai jügırgenın tüsındım. Ol qolyma, sodan keiın aiaǧyma jabysyp aldy. Ol menıŋ buyndarymdy jyrtyp, aiaǧym men qolymdy qapty. Men de, menıŋ itım de zardap şektı. Men aiqailap, kömekke şaqyrdym. Bır jıgıt menıŋ kömek sūraǧan aiqaiyma kelıp, ittı ūryp, qūtqara bastady. Men tük tüsınbedım, bärı tūman siiaqty boldy. Öz ömırı men densaulyǧyna qauıp töndırıp, jıgıt maǧan kömektestı. Eger ol bolmasa, men tırı bolmas edım! Osy oqiǧadan keiın men älı künge deiın öz-özıme keludemın. Tek qazır men qūtqaruşymdy taptym. Tek sotta ǧana Beibıt polisiia qyzmetkerı ekenın bıldım. Beibıt Jaqypovqa erlıgı men batyldyǧy üşın ülken alǧysymdy bıldırgım keledı, – dep Oksana Borod özınıŋ alǧys hatynda Pavlodar oblysy PD bastyǧy Vasilii Skliarǧa jazdy.Aita keteiık, jeke aumaqta tırkeusız jürgen, köşege şyǧyp ketken ittıŋ iesı sol künı QR ÄQBtK 408-baby boiynşa jauapqa tartylǧan. Sondai-aq, qyz moraldyq ziiandy öteu üşın sotqa jügındı.
"Adyrna" ūlttyq portaly
