"كوڭىلىم قالدى دوستان دا دۇشپاننان دا" دەگەندەي... نەگە قوعام ناقتى ىسكە بەلسەندىلىك تانىتپايدى؟
1)نەگە بىزدەر "سايلاۋ زاڭىنا وزگەرىستەر ەنگىزۋ" تۋرالى ۇسىنىستار ازىرلەپ، جوعارىعا ۇسىنۋمەن اينالىسپايمىز؟!
2)نەگە بىزدەر سوت جۇيەسىن رەفورمالاۋ جونىندە ۇسىنىستار ازىرلەمەيمىز؟!
3)نەگە بىزدەر الەۋمەتتىك باعدارلامالاردىڭ حالىققا وڭتايلاندىرعان جولدارىن ازىرلەپ ۇسىنبايمىز؟!
4)نەگە بىزدەر ءبىلىم مەن عىلىم سالاسىنا قاتىستى ۇسىنىستارىمىزدى ازىرلەپ ۇسىنبايمىز؟!
5)نەگە بىزدەر جەرگىلىكتى بيۋدجەتتىڭ حالىقتىق باقىلاۋىنا مۇمكىندىك بەرىپ، ولاردىڭ تيىمدىلىگىن سارالايتىن پلاتفورمالار ۇسىنبايمىز؟!
6)نەگە بىزدەر ەكولوگيا مەن اش مينيستىرلىگىنىڭ الداعى جوسپارلارىن ۇسىنۋىن تالاپ ەتىپ، ولارعا ءوز ۇسىنىسىمىزدى ۇسىنبايمىز؟!
يت پەن قۇسقا پەتەتسيا جاريالاپ جاتقاندا، وسىنداي باعىتتارداعى ۇسىنىستار ازىرلەپ، نەگە سولارعا قول جيناماسقا؟!
كىمگە قىزىق، كىمگە كەرەك سول ءبىر ءمينيستىردىڭ ورىن اۋىستىرعانى مەن ءبىر اكىمنىڭ ورنىنا باسقاسى كەلگەنىنىڭ؟!
ءاي كوكەلەرىم-اۋ!
ولار تەك مەم. زاڭدار مەن ۇكىمەت باعدارلامالارىن جۇزەگە اسىرۋىنا جۇمىس جاسايتىن مەنەدجەرلەر عوي!
زاڭ مەن باعدارلامالار جوندەلمەي، باسى التىن اكىم مەن مينيستر كەلسە دە قاي ءىس بولسا دا، اسەرى از بولارىن قاشان ۇعامىز وسى؟!
مىسالى، ۋتيلالىمدارىن ءبىراز جەرگە اپارعان جىگىتتەردى جابىلىپ تاعى ءبىر رەت قولداپ جىبەرسەك، ناعىز حالىققا ىڭعايلى زاڭدار مەن باعدارلامالار قابىلدانايىن دەپ تۇرعان شاقتا، وسىنداي پايدالى ىستەرمەن ەمەس، قايداعى جوق كادرلىك ماسەلەلەردەن "اۋىزدارىڭىز" بوسار ەمەس.
بۇتكىل سايتتار "الماتى اكىمىنىڭ اۋىسقانىن" جاتا-جازىپ جاتىر. بۇگىنگى لەنتانى تولتىردى. سولاردىڭ جاريالاعاندارىنا بارىپ توپىر-توپىر شۇيلىككەن ءبىر قاۋىم ايتەۋىر. ءدال وسى اۋىس-ءتۇيىس ناۋقانىن شۋىلداتتىپ قوعامدى سول جاقتا "ۇستاي تۇرۋدى" مۇددەلى وليگارحتار قارجىلاندىرىپ جاتسا دا تاڭقالمايمىن. ءتىپتى، مەن سەنىمدىمىن ءدال سولاي بولىپ جاتقانىنا. وسىنداي ماحيناتسيانى بىرەۋلەر وزدەرى ءبىلىپ-بىلمەي سولارعا كەرەك باعىتتا "بۇرقىراتىپ" جاتىر.
مىنا جاقتا ەلىمىزدىڭ ەرتەڭىنە جوسپارلانعان ماڭىزدى زاڭدار مەن باعدارلامالار ازىرلەنىپ جاتقانىن بىلەمىز بە ءوزى؟!
ويتكەنى، پرەزيدەنت ۇكىمەت باسشىسىنا ءارتۇرلى باعىتتار بويىنشا جوسپار ازىرلەۋگە ناقتى تاپسىرما بەردى. ولار قازىر بارلىق باعىت بويىنشا "باس الماي" جۇمىس ىستەپ جاتىر.
ءاي كوكەلەرىم-اۋ!!!!
ۇسىنساي ەندى ۇسىنارىڭدى!!!
نەڭ بار سەنىڭ بۇگىن بار، ەرتەڭ جوق اكىم مەن ءمينيستىردىڭ كانديداتتىعىن تالقىلاۋعا ۋاقىتىڭدى قۇرتىپ. ەلىڭە پايدالى باعىتتا جۇمىس اتقارساڭشى ءدال قازىر.ۇجىمداس. توپتاس. جۇمىسشى توبىن قۇر. زەرتتەۋ جاسا. ۇسىنىس ازىرلەپ ۇسىن جوعارىعا. توبەدەگىلەردىڭ نازارعا الۋىنا بارىنشا پايدالان الەۋمەتتىك جەلىنى.
كوسەمسىپ ايتقىم كەلمەسە دە، ايتتىم اقىرى.
